Кондак 1

Икос 1

Кондак 2
Видящи Святая Себе в чистоте, глаголет Гавриилу дерзостно: преславное твоего гласа неудобоприятельно души Моей является: безсеменнаго бо зачатия рождество како глаголеши, зовый: Аллилуиа.

Икос 2
Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице: Радуйся, совета неизреченнаго Таиннице; радуйся, молчания просящих веро. Радуйся, чудес Христовых начало; радуйся, велений Его главизно. Радуйся, лествице небесная, Еюже сниде Бог; радуйся, мосте, преводяй сущих от земли на небо. Радуйся, Ангелов многословущее чудо; радуйся, бесов многоплачевное поражение. Радуйся, Свет неизреченно родившая; радуйся, еже како, ни единаго же научившая. Радуйся, премудрых превосходящая разум; радуйся, верных озаряющая смыслы. Радуйся, Невесто Неневестная.

Кондак 3
Сила Вышняго осени тогда к зачатию Браконеискусную, и благоплодная Тоя ложесна, яко село показа сладкое, всем хотящим жати спасение, всегда пети сице: Аллилуиа.

Икос 3
Имущи Богоприятную Дева утробу, востече ко Елисавети: младенец же оноя абие познав Сея целование, радовашеся, и играньми яко песньми вопияше к Богородице: Радуйся, отрасли неувядаемыя розго; радуйся, Плода безсмертнаго стяжание. Радуйся, Делателя делающая Человеколюбца; радуйся, Садителя жизни нашея рождшая. Радуйся, ниво, растящая гобзование щедрот; радуйся, трапезо, носящая обилие очищения. Радуйся, яко рай пищный процветаеши; радуйся, яко пристанище душам готовиши. Радуйся, приятное молитвы кадило; радуйся, всего мира очищение. Радуйся, Божие к смертным благоволение; радуйся, смертных к Богу дерзновение. Радуйся, Невесто Неневестная.

Кондак 4
Бурю внутрь имея помышлений сумнительных, целомудренный Иосиф смятеся, к Тебе зря небрачней, и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.

Икос 4
Слышаша пастырие Ангелов поющих плотское Христово пришествие, и текше яко к Пастырю видят Сего яко агнца непорочна, во чреве Мариине упасшася, Юже поюще реша: Радуйся, Агнца и Пастыря Мати; радуйся, дворе словесных овец. Радуйся, невидимых врагов мучение; радуйся, райских дверей отверзение. Радуйся, яко небесная срадуются земным; радуйся, яко земная сликовствуют небесным. Радуйся, апостолов немолчная уста; радуйся, страстотерпцев непобедимая дерзосте. Радуйся, твердое веры утверждение; радуйся, светлое благодати познание. Радуйся, Еюже обнажися ад; радуйся, Еюже облекохомся славою. Радуйся, Невесто Неневестная.

Кондак 5
Боготечную звезду узревше волсви, тоя последоваша зари, и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.

Икос 5
Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему, и возопити Благословенней: Радуйся, Звезды незаходимыя Мати; радуйся, заре таинственнаго дне. Радуйся, прелести пещь угасившая; радуйся, Троицы таинники просвещающая. Радуйся, мучителя безчеловечнаго изметающая от начальства; радуйся, Господа Человеколюбца показавшая Христа. Радуйся, варварскаго избавляющая служения; радуйся, тимения изымающая дел. Радуйся, огня поклонение угасившая; радуйся, пламене страстей изменяющая. Радуйся, верных наставнице целомудрия; радуйся, всех родов веселие. Радуйся, Невесто Неневестная.

Кондак 6
Проповедницы богоноснии, бывше волсви, возвратишася в Вавилон, скончавше Твое пророчество, и проповедавше Тя Христа всем, оставиша Ирода яко буесловна, не ведуща пети: Аллилуиа.

Икос 6
Возсиявый во Египте просвещение истины, отгнал еси лжи тьму: идоли бо его, Спасе, не терпяще Твоея крепости, падоша, сих же избавльшиися вопияху к Богородице: Радуйся, исправление человеков; радуйся, низпадение бесов. Радуйся, прелести державу поправшая; радуйся, идольскую лесть обличившая. Радуйся, море, потопившее фараона мысленнаго; радуйся, каменю, напоивший жаждущия жизни. Радуйся, огненный столпе, наставляяй сущия во тьме; радуйся, покрове миру, ширший облака. Радуйся, пище, манны приемнице; радуйся, сладости святыя служительнице. Радуйся, земле обетования; радуйся, из неяже течет мед и млеко. Радуйся, Невесто Неневестная.

Кондак 7
Хотящу Симеону от нынешняго века преставитися прелестнаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.

Икос 7
Новую показа тварь, явлься Зиждитель нам от Него бывшим, из безсеменныя прозяб утробы, и сохранив Ю, якоже бе, нетленну, да чудо видяще, воспоем Ю, вопиюще: Радуйся, цвете нетления; радуйся, венче воздержания. Радуйся, воскресения образ облистающая; радуйся, ангельское житие являющая. Радуйся, древо светлоплодовитое, от негоже питаются вернии; радуйся, древо благосеннолиственное, имже покрываются мнози. Радуйся, во чреве носящая Избавителя плененным; радуйся, рождшая Наставника заблудшим. Радуйся, Судии праведнаго умоление; радуйся, многих согрешений прощение. Радуйся, одеждо нагих дерзновения; радуйся, любы, всякое желание побеждающая. Радуйся, Невесто Неневестная.

Кондак 8
Странное рождество видевше, устранимся мира, ум на небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.

Икос 8
Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия: Радуйся, Бога невместимаго вместилище; радуйся, честнаго таинства двери. Радуйся, неверных сумнительное слышание; радуйся, верных известная похвало. Радуйся, колеснице пресвятая Сущаго на Херувимех; радуйся, селение преславное Сущаго на Серафимех. Радуйся, противная в тожде собравшая; радуйся, девство и рождество сочетавшая. Радуйся, Еюже разрешися преступление; радуйся, Еюже отверзеся рай. Радуйся, ключу Царствия Христова; радуйся, надеждо благ вечных. Радуйся, Невесто Неневестная.

Кондак 9
Всякое естество ангельское удивися великому Твоего вочеловечения делу; неприступнаго бо яко Бога, зряще всем приступнаго Человека, нам убо спребывающа, слышаща же от всех: Аллилуиа.

Икос 9
Ветия многовещанныя, яко рыбы безгласныя видим о Тебе, Богородице, недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием: Радуйся, премудрости Божия приятелище, радуйся, промышления Его сокровище. Радуйся, любомудрыя немудрыя являющая; радуйся, хитрословесныя безсловесныя обличающая. Радуйся, яко обуяша лютии взыскателе; радуйся, яко увядоша баснотворцы. Радуйся, афинейская плетения растерзающая; радуйся, рыбарския мрежи исполняющая. Радуйся, из глубины неведения извлачающая; радуйся, многи в разуме просвещающая. Радуйся, кораблю хотящих спастися; радуйся, пристанище житейских плаваний. Радуйся, Невесто Неневестная.

Кондак 10
Спасти хотя мир, Иже всех Украситель, к сему самообетован прииде, и Пастырь сый, яко Бог, нас ради явися по нам человек: подобным бо подобное призвав, яко Бог слышит: Аллилуиа.

Икос 10
Стена еси девам, Богородице Дево, и всем к Тебе прибегающим: ибо небесе и земли Творец устрои Тя, Пречистая, вселься во утробе Твоей, и вся приглашати Тебе научи: Радуйся, столпе девства; радуйся, дверь спасения. Радуйся, начальнице мысленнаго наздания; радуйся, подательнице Божественныя благости. Радуйся, Ты бо обновила еси зачатыя студно; радуйся, Ты бо наказала еси окраденныя умом. Радуйся, тлителя смыслов упраждняющая; радуйся, Сеятеля чистоты рождшая. Радуйся, чертоже безсеменнаго уневещения; радуйся, верных Господеви сочетавшая. Радуйся, добрая младопитательнице девам; радуйся, невестокрасительнице душ святых. Радуйся, Невесто Неневестная.

Кондак 11
Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, Царю Святый, ничтоже совершаем достойно, яже дал еси нам, Тебе вопиющим: Аллилуиа.

Икос 11
Светоприемную свещу, сущим во тьме явльшуюся, зрим Святую Деву, невещественный бо вжигающи огнь, наставляет к разуму Божественному вся, зарею ум просвещающая, званием же почитаемая, сими: Радуйся, луче умнаго Солнца; радуйся, светило незаходимаго Света. Радуйся, молние, души просвещающая; радуйся, яко гром враги устрашающая. Радуйся, яко многосветлое возсияваеши просвещение; радуйся, яко многотекущую источаеши реку. Радуйся, купели живописующая образ; радуйся, греховную отъемлющая скверну. Радуйся, бане, омывающая совесть; радуйся, чаше, черплющая рaдocть. Радуйся, обоняние Христова благоухания; радуйся, животе тайнаго веселия. Радуйся, Невесто Неневестная.

Кондак 12
Благодать дати восхотев, долгов древних, всех долгов Решитель человеком, прииде Собою ко отшедшим Того благодати, и раздрав рукописание, слышит от всех сице: Аллилуиа.

Икос 12
Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех: Радуйся, селение Бога и Слова; радуйся, святая святых большая. Радуйся, ковчеже, позлащенный Духом; радуйся, сокровище живота неистощимое. Радуйся, честный венче людей благочестивых; радуйся, честная похвало иереев благоговейных. Радуйся, церкве непоколебимый столпе; радуйся, Царствия нерушимая стено. Радуйся, Еюже воздвижутся победы; радуйся, Еюже низпадают врази. Радуйся, тела моего врачевание; радуйся, души моея спасение. Радуйся, Невесто Неневестная.

Кондак 13
О, Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех, и будущия изми муки, о Тебе вопиющих: Аллилуиа, aллилуиа, aллилуиа.

(Kондак читается трижды)

Икос 1
Ангел предстатель с небесе послан бысть рещи Богородице: радуйся, и со безплотным гласом воплощаема Тя зря, Господи, ужасашеся и стояше, зовый к Ней таковая: Радуйся, Еюже рaдocть возсияет; радуйся, Еюже клятва изчезнет. Радуйся, падшаго Адама воззвание; радуйся, слез Евиных избавление. Радуйся, высото неудобовосходимая человеческими помыслы; радуйся, глубино неудобозримая и ангельскима очима. Радуйся, яко еси Царево седалище; радуйся, яко носиши Носящаго вся. Радуйся, Звездо, являющая Солнце; радуйся, утробо Божественнаго воплощения. Радуйся, Еюже обновляется тварь; радуйся, Еюже покланяемся Творцу. Радуйся, Невесто Неневестная.

Кондак 1
Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Кондак 1

Избранной в Предвечном Совете Богоотроковице Марии, послужити велию таинству Боговоплощения, сияющей девст¬венной чистотою паче высшия небесныя чистоты, благоговейныя пения принесем Тебе, Бо¬городице, о всерадостном от Архангела Благовещении Тво¬ем. Ты же, яко обрадованная и радость падшим людем подати могущая, избави нас от всяких бед и греховныя печали, и возведи нас к небесней радости, да с Гавриилом вопием Тебе: Радуйся, Благодатная, Гос¬подь с Тобою.

Икос 1

Архангел Гавриил предстояй Престолу Божию выну зрит неприступную Божествен¬ную Славу, егда же прииде время избавления человеков, прия повеление Господне: Буди служитель страшному чудеси и таинству сокровенному: мило¬сердием Моим подвигся ко взысканию заблудшаго Адама, снити тщуся. Гряди убо во град Назарет, в немже отроковица Мария обитает, да прелюбезную красоту девства узриши. Гряди к сему одушевленному Божию Кивоту, ко второму Не-беси на земли сущему. Иди к Сей Обители Воплощения Мо¬его и возвести нетленное Мое от Нея пришествие. Блюди же, да не смутиши и да не устрашиши душу Девы, да в радости будет, а не в печали благовестие твое. Сего ради приступи к Ней кротко и первый глас твой ра¬дость Ей да принесет, и да возопиеши Ей сице: Радуйся, Благодатная, Еюже радость возсияет. Радуйся, Обрадованная, Еюже клятва исчезнет. Радуйся, Благословенная, Еюже вся тварь обновляется. Радуйся, Препрославленная, Еюже весь мир спасается. Радуйся, Богоизбранная От¬роковице, падшаго Адама воз¬звание. Радуйся, Пренепорочная Ле¬во, слез Евиных избавление. Радуйся, Благодатная, Господь с Тобою.

Кондак 2

Видев Архангел Гавриил, яко Человеколюбец Господь умилосердися, гиблемый зря род человеч, удивися зело, како Бог, Егоже небеса вместити не могут, в девичестей хощет вместитися утробе, како не опалит ю огнь Божества, како Бог, на Негоже Херувими и Серафими возрети не смеют, хощет во об¬разе раба явитися на земле, да с человеки поживет. Сему неизреченному таинству чудящеся со страхом возопи Богу: Аллилуиа.

Икос 2

Разум неуразумеваемый страшнаго таинства открывая, рече Владыка Ангелов ко Архи¬стратигу: что смущаешися, Гав¬рииле, о новости вещи? Аще не опали огнь купину в пустыне горевшую и не сгоравшую, не опалит всячески утробу Девичу Огнь Божества Моего, но паче оросит ю и освятит благодать Моя. Идеже бо хощет Бог, побеждаются естества уставы. Гавриил же, сия слышав, радос-ти исполнися Божественныя, и отыде в Назарет, исполняя по¬веление Господне, помышляюще в себе, како внидет к Отро¬ковице и како возвестит Ей та¬инство чудесное, во еже не смутити Ея девический помысл, и рече к себе: возвещу убо Ей первее радость, и целуя воспою глас таковый: Радуйся, Радосте всему ми¬ру, Тебе бо Единой подобает радоватися. Радуйся, Сладосте Ангелов, от Тебе Единей благоволи Гос¬подь воплотитися. Радуйся, Неувядаемый Цве¬те чистоты, Ты бо небесное благоухание всему миру явила еси. Радуйся, белоснежный крине девства, Ты бо райское дев¬ство на земли насадила еси. Радуйся, Сокровище паче всего дражайшее, Твоея бо до¬броты возжела Царь Небесный. Радуйся, Утро всему миру светлейшее, Твоим бо светом разгонится мрак греховный. Радуйся, Благодатная, Гос¬подь с Тобою.

Кондак 3

Силою Божественною ук¬репляемый слете с небесных вы¬сот великий Архангел и в Наза¬рет град прииде, и обрете Свя¬тую Деву во внутреннем чертоге Своем не о житейских пекущуюся, но в молитве и чтении книжнем Пребывающую. Та бо разгнув книгу Исаии пророка, читаше словеса его: «Се Дева во чреве приимет и родит Сына и нарекут имя Ему Еммануил». И распаляшеся серафимскою любовию не точию к Имущему скоро приити Христу, но и к Девице оной, Яже имать родити Того, и размышляше коль неизреченно есть таинство сие и коль велико есть достоинство Девицы Тоя, и моляшеся, о еже увидети Ю, и аще возможно, последнейшею Ей быти рабы¬нею Тоя, да с радостию воспоем Богу: Аллилуиа.

Икос 3

Имуще страх велий и бла¬гоговение к Богоотроковице, Юже Бог избра быти Владычи¬цею неба и земли, великий Архангел приближися ко внутрен¬ним дверем чертога Тоя, и се абие внезапу предста Преблагословенней с кротостию вели¬кою, предста Пренепорочней небесный Вестник, да радость всему миру благовестит, предста безплотный Чистой Деве, да безчестие женское в честь пре¬ложит, и между Создателем и созданием уневещение да со¬творит, и светлым гласом абие глагола Неискусобрачней: Радуйся, Благодатная, ли¬куй ныне и веселися, яко Гос¬подь с Тобою. Радуйся, Благословенная, слыши ныне и приклони ухо Твое, яко возжела Царь добро¬ты Твоея. Радуйся, Обрадованная, яко благословенна Ты в женах. Радуйся, Препрославленная, яко велия слава Твоя на небе¬сах. Радуйся, Богоизбранная От¬роковице, яко спасется Тобою от прелести весь род человеческий. Радуйся, преизящная Девице, яко возвеселится о Тебе весь превысочайший собор Ангельский. Радуйся, Благодатная, Гос¬подь с Тобою.

Кондак 4

Бурю внутрь имущи помышлений сумнительных, смятеся Пресвятая Дева, таковое небесное благовестие услышавше, помысливше же в себе, ка¬ково будет целование сие, рече ко Архангелу: Ева, праматерь Моя, приемши разум змиин, лишися пищи Божественныя и изгнана бысть из рая, темже и Аз боюся целования страннаго твоего, стыдящеся поползнове¬ния. Сего ради отступи от две¬рей Моих, и не вещай глаголов, их же сбытия никакоже можеши показати, да не обольщена буду, что ум мой и душу смущаеши... Аз же в тишине духа Моего воспевати буду: Аллилуиа.

Икос 4

Слыша Архангел смирен¬ных глагол Пресвятыя Девы вы¬соту, рече к Ней: Что мене боишися, Всенепорочная, паче Тебе боящагося? Что мене благоговееши, Владычице, Тебе честно благоговеющему? Не удивляйся странному моему зра¬ку, не ужасайся, Архангел бо есмь. Змий прельсти Еву иног¬да, аз же Божий предстатель послан есмь Божественный Со¬вет Предвечный поведати Тебе. Не бойся, Мириам, обрела бо еси благодать у Бога безмерныя ради девственныя чистоты Твоея. Сего ради зачнеши во чреве и родиши Сына и наречеши Имя Ему Иисус. Сей бу¬дет Велий и Сын Вышняго наречется. И даст Ему Господь Бог престол Давида отца Его и во¬царится в дому Иаковли во веки и Царствию Его не будет конца. Благовествующе же сие велие благочестия таинство, со стра¬хом вопию Тебе сицевая: Радуйся, звездо незаходимая, вводящая в мир Великое Солнце Христа. Радуйся, заре присносияющая, являющая человеком все¬го мира Творца. Радуйся, паче утра светлей¬шая, всем во тьме греха сидя¬щим свет благодати облистающая. Радуйся, паче злата дражай¬шая, всем неведущим Бога сокровище веры показующая. Радуйся, Лествице Небес¬ная, Еюже Бог нисходит с не¬бес. Радуйся, мосте к небесем приводяй, Имже мир исполня¬ется чудес. Радуйся, Благодатная, Гос¬подь с Тобою.

Кондак 5

Богодухновенныя глаголы Архангеловы слышавше, Пресвятая Дева смутися паче бывшаго, зане тии Рождество Ей возвещаху. Сего ради рече ко Архистатигу: Глаголи Мне явственнейше, како зачну, Дева сущи отроковица браку Непри¬частная. Како будет сие, идеже мужа не знаю? Како убо глаголеши, яко рожду, боюся еда лесть глаголеши? Сия рече не неверия ради, но яко не веде, како может родити, естества законы превосшедши. Сего ради рече ко Ангелу: скажи Ми образ рождения, во еже не повредитися девству Моему, и тогда обрящеши сердце Мое к Божию изволению готовое, да с радос¬тию воспою Богу: Аллилуиа.

Икос 5

Видев Архангел величие ве¬ры Пречистыя, рече к Ней: Гла¬голы, яже мне вещаеши, обычая есть рождества человеков смертных, законам же естества не работает Иисус, Содетель ес¬тества, Отроковице. Ты ищеши увидети от мене образ зачатия Твоего, но той несказанен есть: Дух Святый найдет на Тя и Сила Вышняго осенит Тя, темже и Рождаемое Свято наречется Сын Божий. От Того во чреве приимеши и Той совершит в Тебе недоведомое зачатие, о Пресвятая Дево. Сего ради про¬славляю Тя сице: Радуйся, Духа Пресвятаго Невесто Богоизбранная и преднареченная. Радуйся, Бога Отца Дщерь прелюбимая и превожделенная. Радуйся, свитче Божествен¬ный, в немже перстом Отчим написуется в Тебе Божие Слово. Радуйся, златый светильниче, Имже Огнь Божества возсияет всему миру. Радуйся, глубино неисчер¬паемая, неудобозримая и Ангельскима очима. Радуйся, высото неизглаголанная, неудобовосходимая че¬ловеческими помыслы. Радуйся, Благодатная, Гос¬подь с Тобою.

Кондак 6

Проповедника Божественнаго и Вестника небесного тя верую быти, рече Пресвятая Де¬ва ко Ангелу: вижду бо тя ан¬гельскою облистаема светлостию, обаче стыждуся скоро веровати словесем Твоим, не уведевше первее со всякою из¬вестностью. Слышах бо Свя¬щенную некую Деву Еммануила рождающую, пророком древле предреченную. Сего ради хощу разумети, како естество человеческое претерпит Боже-ства растворение, да познаю та¬инства силу и с верою воспою Богу: Аллилуиа.

Икос 6

Возсиявает ныне, Пречис¬тая, Тобою всему миру велие Таинство воплощения Божия, - рече Архангел к Богородице, - Ты бо еси Оная Святая Дева, о Нейже предрече Исайя. Ты еси Дверь Божества, чистотою запечатленная и девством храни¬мая, Юже Иезекииль предвиде. Господь пройдет Тобою, якоже солнечная луча стекло или кристал проходит, просвещающи и освящающи Тя Божест¬венною Славою, во еже быти Тебе истинною Материю Божией, рождающей Совершеннаго Бога и Совершеннаго че¬ловека, и Девою Нетленною, якоже прежде Рождества, такожде в Рождестве и по Рожде¬стве Твоем, родиши бо Сына, Соблюдающа Твое девство неврежденно. Сего ради, прослав¬ляюще величие тайны Твоея, вопию Тебе сице: Радуйся, Купино Неопали¬мая, Юже не опалит огнь Боже¬ства, Моисеем Предзримая. Радуйся, двере затворенная, Еюже пройдет Бог, Иезекиилем предреченная. Радуйся, Скиние предивная, Яже Невместимаго Бога не тесно вместит, Авраамом про¬образованная. Радуйся, руно орошенное, на Негоже Владыка яко капля дождевная тихо снидет, Гедеоном предвещанное. Радуйся, земле ненасеян¬ная, Слово Небесное, яко пше¬ницу плодоносную, чисто про¬зябающая. Радуйся, ниво неоранная, Сына Божия, яко клас Божест¬венный, яве произрастающая. Радуйся, Благодатная, Гос¬подь с Тобою.

Кондак 7

Хотящи веровати страшней тайне Архангелом возвещен¬ной, Пресвятая Дева обаче смутися промышляющи высоты сия величество, и вся стыдящися, глаголаше: Рцы Ми, Гаврииле, истиннейшая, како нетлен¬ней бывши чистоте Моей, рожду с плотию Безплотнаго?; чудеса всегда быша множицею Божественною силою чудодействуема, дева же неискусомужне никогдаже роди. Сего ради како может всеми невместимый и всеми невидимый во чрево девичие вселитися, еже Сам созда? Рцы Ми сия, да с верою воспою Богу: Аллилуиа.

Икос 7

Нова и страшна и чудна Твоя таинства, рече Ангел Богородице, и новую тварь показа Тобою всех Творец Господь, Ты бо Едина Царя Воплощаема приимеши во утробе, да Ты Едина Мати Сына Божия пронаречешися, Чистая. Сего ради не дивися чудеси и да не сумнишися: «Бог, идеже хощет, по¬беждается естества чин», вся бо возможна суть Всемогущему. И якоже от ребр Адамовых созда¬на бысть Ева без матери древ¬ним Богозданием, тако и ныне от Твоего девства воплощается без отца всех Господь. И да уверит Тя жезл Ааронов не¬влажно прозябший и руно Гедеоново, зане, яко росу, зачатие приимеши, Нетленная Дева су¬щи. Такожде и купина во огне неопально пребывшая да воз¬вестит Ти, яко приимеши огнь Божества, Приснодева, и по Рождестве пребудеши Чистая. Сего ради приими целование мое, да вси племена земная с радостию воспоют Тебе: Радуйся, жезле Ааронов, не¬тление всему миру прозябший. Радуйся, финикс Давидов, безсмертие падшим людем про¬цветший. Радуйся, Скиние Небесная, от Херувимов осеняемая и уб¬лажаемая. Радуйся, Святая Святых Большая, от Серафимов почитаемая и приснославимая. Радуйся, Чаше Безсмертнаго Царя, в Нейже растворяется от Святаго Духа всемирная ра¬дость. Радуйся, Стамно Божественныя манны, от Неяже верным уготовляется неизреченная сла¬дость. Радуйся, Благодатная, Гос¬подь с Тобою.

Кондак 8

Страннаго Рождества сего величество смущает Мя, - рече Пресвятая Дева ко Ангелу, - понеже Всеблагой благоволи па¬че ума вселитися в Мя, да храм чист душею и плотию соблюден буду Ему, глас радования глагол твоих приемши, веселия Божественнаго исполняются, да уп¬разднится ныне Мною древнее Евино осуждение и да воздается Мною днесь долг человеков, да вси Светлому Благовещению сему радующеся, благодарствен¬но воспоют Богу: Аллилуиа.

Икос 8

Вся тварь ныне о Тебе раду¬ется, Благодатная, Ангельский Собор и человеческий род, - рече Архангел, - яко дадеся Те¬бе радость Божественная и яко всякое обетование Божие То¬бою ныне приемлет конец: Тобою днесь благословися Ав¬раам о семени своем. Тобою ныне свободися Ева от древния печали. Тобою ликует Адам, яко днесь исполняется первое благовестие падшим людем: семя Жены сотрет главу змия. То¬бою вся тварь ныне начинает свобождатися от рабства тлению в свободу славы чад Божиих. Тобою ныне подадеся всему роду человеческому всякая радость и веселие вечное, да вси во веки восхвалят Тя сице: Радуйся, Обрадованная Дево, от древних патриархов про¬образованная. Радуйся, Святая Богоневесто, всеми пророки древле пред¬возвещенная. Радуйся, Вертограде заклю-ченный, в Негоже Царь Небесный возжела внити. Радуйся, Кладезю запечат¬ленный, от Негоже никтоже воз¬может испити. Радуйся, Саде Божествен¬ный, в Немже от всех цветов Святаго Духа райское благоуха¬ние во весь мир изнесеся. Радуйся, Раю новонасажденный, в Немже Божественное древо жизни посреде Тебе к прозябению уготовися. Радуйся, Благодатная, Гос¬подь с Тобою.

Кондак 9

Всякое естество Ангельское удивися ныне о Тебе, Пречис¬тая, слышаще дивное Твое со Архангелом Гавриилом собеседование и наипаче моление Твое сие: «Душу очисти, Тело освяти, Церковь сотвори Мя вместительну Божию и Скинию Богоукрашенну, да наитием Пресвятаго Духа сотворюся храм одушевлен и Матерь Чис¬тая Жизни». Егда же по молитве сей изрекла еси из смиреннаго сердца Твоего: «Се Раба Господня, буди Ми по гла¬голу твоему, да вселится Бог в Мя», вся Небесныя Силы прославиша Бога, видяще, яко го¬тово сердце Твое к приятию Божественному, и со страхом и с радостию воспеша Ему: Аллилуиа.

Икос 9

Вития Божественный Святый Архангел Гавриил бысть в страсе и в молчании глубоцем и прекрати глаголы своя, егда, Пресвятая Дево, Ты изрекла еси смиренное слово Свое: «Се раба Господня, буди Ми по глаголу твоему». В начале мирскаго бы¬тия творческим словом сим: «да будет», Творцем изреченным, создана быша всяческая видимая и невидимая. Ныне же слово сие, Девою изреченное, низведе Творца твари в мир сей и тако открывается днесь еже от века таинство великое: Сын Божий Сын Девы бывает, да бога Адама соделает. Соприсносущное Слово Отчее, не разлучився от горних, сниде на землю и бысть Плоть и вселися в ны, неизреченно истощается и во Утробу Девичу вселяется. Да ра-дуется убо небо и земля и со Архангелом да поет Пречистей Деве сице: Радуйся, Небо земное, до горних высот смиренным духом возшедшее. Радуйся, Селение Небес¬ное, Слово Божие неизреченно вместившее. Радуйся, Благословенная, зачатие Превечнаго Бога не-тленно приемшая. Радуйся, Благодатная, Чер¬тог Девства Твоего в зачатии Едина сохраньшая. Радуйся, Чистая Дево, есте¬ства уставы в Боговоплощении преславно победившая. Радуйся, Богоневесто, есте¬ство Ангельское в Благовеще¬нии Твоем предивно возвесе-лившая. Радуйся, Благодатная, Гос¬подь с Тобою.

Кондак 10

Спасти хотяй мир, Челове¬колюбец Господь сниде, яко дождь на руно в Пречистую ут¬робу Твою, о Богомати, и абие неизреченным наитием Святаго Духа содеяся недоведомое за¬чатие и Превечное Слово Божие Плоть бысть и вселися в Тя, восприяв Ю от Пречистых кро¬вей Твоих без услаждения плотскаго, но не без услаждения духовнаго: тогда бо Девическое сердце Твое божественным исполнися желанием и дух Твой горяще пламенем Серафимския любви, ум же весь, аки вне Себе быв, в Бозе углубляшеся. И тако услаждаяся неизреченнаго Боголюбия сего и умнаго Боговидения, Ты поклонилася еси Воплощаемому от Тебе Гос¬поду Твоему и радостно воспела еси Ему: Аллилуиа.

Икос 10

Стена еси девам, Богороди¬це Дево, ибо девственно от Духа Свята зачала еси Предвечнаго Бога и Дева пребыла еси и тако Еву от древния печали свободила еси. Днесь - радость Благо¬вещения, девственное торжест¬во и таинство велико, начало нашего спасения. Днесь весе¬лится небо и радуется земля. Сего ради великий Гавриил первый от всея твари, разумев духом великое Боговоплощения таинство, поклонися со страхом велиим воплощьшемуся в Девичей утробе Спасу мира и воплощшую Пречистую Деву почти подобающим поклонени¬ем, яко Царицу неба и земли, и с благовением велиим воспе Ей таковая: Радуйся, Высокого таинства Воплощения Божия пречудное совершение. Радуйся, неизреченнаго со¬ставления Плоти Христовой преславное явление. Радуйся, Чертоже безсеменнаго уневещения, в Немже Тво¬рец всего мира днесь вместися. Радуйся, Ковчеже Божественнаго Воплощения, Имже ра¬дость велия всей вселенней ныне даровася. Радуйся, Девице, Боготканную порфиру от Пречистыя Плоти Твоея Слову Божию ис¬ткавшая. Радуйся, Отроковице, нетленную багряницу от девствен¬ных кровей Твоих Агнцу Божию взаимодавшая. Радуйся, Благодатная, Гос¬подь с Тобою.

Кондак 11

Пение всеумиленное при¬несла еси, Пречистая, егда по отшествии Архангелове посети¬ла еси праведную Елисавету южику Твою и возвестила ей радость Благовещения, в весе¬лии духа, глаголюще: «Величит душа Моя Господа и возрадовася дух Мой о Бозе Спасе Моем. Яко призре на смирение Рабы Своея, се бо отныне ублажат Мя вси роди». Сие посещение Твое возвесели праведную Елисавету и взыграся от радости младенец Иоанн во чреве ея, и исполнися Духа Свята Елисавет, и рече: «Откуду мне сие, да прииде Мати Господа Моего ко мне». Да взыграется ныне и наш дух, ощущающи в день Благовеще¬ния Твоего радость посещения Твоего. Сего ради с Елисаветою возопием Тебе: «Благословена Ты в женах и Благословен Плод чрева Твоего», Ему же выну да поем вси: Аллилуиа.

Икос 11

Свет велий и Божественный возсия в души Твоей, Пречис¬тая, егда по гласу Архангела Дух Святый сниде на Тя и Сила Вышняго осени Тя и егда абие зачала еси в Богоблагодатней девственней утробе Своей Творца светов, Егоже свет во тьме светит и тьма его не объят. Той просвети Тя, яко солнце, светом Божества Своего, Всю прослави и обожи, сего ради «сияет доброта Твоя, блистает чистоты Твоея светлость, якоже предрече о Тебе в Песнех Дух Святый: «Вся добра еси, ближ¬няя Моя, и порока несть в Те¬бе». Вся Избранна, Вся Преукрашенна явилася еси, Юже Бог возлюби, Вся Чистая и Божест¬венныя Славы исполненна. Сим Божественным Твоим Све¬том просвещаемии, да воспоим Тя и мы в песнех, яко Матерь Света сице: Радуйся, Свеще Божественнаго Света, Свет Невечерний в утробе Твоей понесшая. Радуйся, Луче Умнаго Со-лнца, весь мир светом Лица Божия просветившая. Радуйся, Небесный Светильниче, на свещнице земном всей вселенной возженный. Радуйся, Живоносный Источниче, благодатию Духа Святаго преизобильно орошенный. Радуйся, Светоносная Дево, Еяже ради свет Боговедения днесь нам всем возсия. Радуйся, Избранная Богоневесто, Еюже ныне радость не¬изреченная весь мир облиста. Радуйся, Благодатная, Гос¬подь с Тобою.

Кондак 12

Благодать Божественная и радость велия процвете днесь всему миру, Пречистая, в све¬тоносный день Благовещения Твоего, яко Тебе ради в день он древняя печаль преста и начало спасения человеков положися: Сын Божий, Сын Девы явися и земля Евы ради проклята бывшая, Тобою, Дево, днесь паки благословися. Херувим от древа жизни отступает и врата райския верным днесь паки отверзаются, мир же весь исполнися радости, отнележе великий Гав¬риил еже радуйся Тебе, Дево, свыше возгласи. Сего ради не¬беса убо достойно днесь да ве¬селятся, земля же да радуется, всякое же дыхание и тварь да поют о Тебе Богу: Аллилуиа.

Икос 12

Поюще всерадостное от Ар¬хангела Благовещение Твое, Бо-городице, восхваляем вси страшное, преславное и велие таин¬ство чистаго и девственнаго от Духа Святаго зачатия Твоего, поклоняемся нетленно зачатому от Тебе Сыну Твоему Христу Богу нашему и от всего сердца веруем и исповедуем, яко и в Божественном зачатии и по Рождестве Твоем Ты пребыла еси Приснодева. Сего ради с Гавриилом принесем Тебе сицевый Архангельский глас: Радуйся, Благодатная, обле¬ченная в Солнце, сияющая благодатию и славою всей вселенней. Радуйся, Благословенная, от восток солнца до запад препетая и превозносимая по всей поднебесней. Радуйся, Ангельское вели¬кое удивление, Гавриила красо¬тою девства Своего удивившая. Радуйся, всему миру благое веселие, падшия люди радостию Благовещения Твоего воз¬веселившая. Радуйся, смиренная Раба Господня, высотою смирения Своего Бога на землю низвед¬шая. Радуйся, Милосердная Мати Бога Вышняго, Матерним заступлением Своим многие грешники ко Христу привед¬шая. Радуйся, Благодатная, Господь с Тобою.

Кондак 13

О, Всепетая Параклита Невесто, Чистая брака не познавшая Дево! Архангела красотою Девства удивившая и Богу Сло¬ву Плоть нетленно днесь взаи¬модавшая, нынешняя наша приемши приношения о всерадостном от Гавриила Благовещении Твоем, Христу Богу обрученныя в девстве сохрани, всех же в чистоте укрепи и от бед избави, да свободшеся Тобою от веч¬ных мук. Тобою рай да обрящем, идеже вси да воспоем о Тебе Богу: Аллилуиа.

(Этот кондак читается трижды, за¬тем икос 1 и кондак 1)

Транскрипт

1 Акафист Благовещению Пресвятой Богородицы. Кондак 1 Избранной в Предвечном Совете Богоотроковице Марии, послужити велию таинству Боговоплощения, сияющей девственной чистотою паче высшия небесныя чистоты, благоговейныя пения принесем Тебе, Богородице, о всерадостном от Архангела Благовещении Твоем. Ты же, яко обрадованная и радость падшим людем подати могущая, избави нас от всяких бед и греховныя печали, и возведи нас к небесней радости, да с Гавриилом вопием Тебе: Икос 1 Архангел Гавриил предстояй Престолу Божию выну зрит неприступную Божественную Славу, егда же прииде время избавления человеков, прия повеление Господне: Буди служитель страшному чудеси и таинству сокровенному: милосердием Моим подвигся ко взысканию заблудшаго Адама, снити тщуся. Гряди убо во град Назарет, в немже отроковица Мария обитает, да прелюбезную красоту девства узриши. Гряди к сему одушевленному Божию Кивоту, ко второму Небеси на земли сущему. Иди к Сей Обители Воплощения Моего и возвести нетленное Мое от Нея пришествие. Блюди же, да не смутиши и да не устрашиши душу Девы, да в радости будет, а не в печали благовестие твое. Сего ради приступи к Ней кротко и первый глас твой радость Ей да принесет, и да возопиеши Ей сице: Радуйся, Благодатная, Еюже радость возсияет. Радуйся, Обрадованная, Еюже клятва исчезнет. Радуйся, Благословенная, Еюже вся тварь обновляется. Радуйся, Препрославленная, Еюже весь мир спасается. Радуйся, Богоизбранная Отроковице, падшаго Адама воззвание. Радуйся, Пренепорочная Дево, слез Евиных избавление. Кондак 2 Видев Архангел Гавриил, яко Человеколюбец Господь умилосердися, гиблемый зря род человечь, удивися зело, како Бог, Егоже небеса вместити не могут, в девичестей хощет вместитися утробе, како не опалит ю огнь Божества, како Бог, на Негоже Херувими и Серафими возрети не смеют, хощет во образе раба явитися на земле, да с человеки поживет. Сему неизреченному таинству чудящеся со страхом возопи Богу: Аллилуиа. 1

2 Икос 2 Разум неуразумеваемый страшнаго таинства открывая, рече Владыка Ангелов ко Архистратигу: что смущаешися, Гаврииле, о новости вещи? Аще не опали огнь купину в пустыне горевшую и не сгоравшую, не опалит всячески утробу Девичу Огнь Божества Моего, но паче оросит ю и освятит благодать Моя. Идеже бо хощет Бог, побеждаются естества уставы. Гавриил же, сия слышав, радости исполнися Божественныя, и отыде в Назарет, исполняя повеление Господне, помышляюще в себе, како внидет к Отроковице и како возвестит Ей таинство чудесное, во еже не смутити Ея девический помысл, и рече к себе: возвещу убо Ей первее радость, и целуя воспою глас таковый: Радуйся, Радосте всему миру, Тебе бо Единой подобает радоватися. Радуйся, Сладосте Ангелов, от Тебе Единей благоволи Господь воплотитися. Радуйся, Неувядаемый Цвете чистоты, Ты бо небесное благоухание всему миру явила еси. Радуйся, белоснежный крине девства, Ты бо райское девство на земли насадила еси. Радуйся, Сокровище паче всего дражайшее, Твоея бо доброты возжела Царь Небесный. Радуйся, Утро всему миру светлейшее, Твоим бо светом разгонится мрак греховный. Кондак 3 Силою Божественною укрепляемый слете с небесных высот великий Архангел и в Назарет град прииде, и обрете Святую Деву во внутреннем чертоге Своем не о житейских пекущуюся, но в молитве и чтении книжнем пребывающую. Та бо разгнув книгу Исаии пророка, читаше словеса его: «Се Дева во чреве приимет и родит Сына и нарекут имя Ему Еммануил». И распаляшеся серафимскою любовию не точию к Имущему скоро приити Христу, но и к Девице оной, Яже имать родити Того, и размышляше коль неизреченно есть таинство сие и коль велико есть достоинство Девицы Тоя, и моляшеся, о еже увидети Ю, и аще возможно, последнейшею Ей быти рабынею Тоя, да с радостию воспоем Богу: Аллилуиа. Икос 3 Имуще страх велий и благоговение к Богоотроковице, Юже Бог избра быти Владычицею неба и земли, великий Архангел приближися ко внутренним дверем чертога Тоя, и се абие внезапу предста Преблагословенней с кротостию великою, предста Пренепорочней небесный Вестник, да радость всему миру благовестит, предста безплотный Чистой Деве, да безчестие женское в честь преложит, и между Создателем и созданием уневещение да сотворит, и светлым гласом абие глагола Неискусобрачней: Радуйся, Благодатная, ликуй ныне и веселися, яко Господь с Тобою. 2

3 Радуйся, Благословенная, слыши ныне и приклони ухо Твое, яко возжела Царь доброты Твоея. Радуйся, Обрадованная, яко благословенна Ты в женах. Радуйся, Препрославленная, яко велия слава Твоя на небесах. Радуйся, Богоизбранная Отроковице, яко спасется Тобою от прелести весь род человеческий. Радуйся, преизящная Девице, яко возвеселится о Тебе весь превысочайший собор Ангельский. Кондак 4 Бурю внутрь имущи помышлений сумнительных, смятеся Пресвятая Дева, таковое небесное благовестие услышавше, помысливше же в себе, каково будет целование сие, рече ко Архангелу: Ева, праматерь Моя, приемши разум змиин, лишися пищи Божественныя и изгнана бысть из рая, темже и Аз боюся целования страннаго твоего, стыдящеся поползновения. Сего ради отступи от дверей Моих, и не вещай глаголов, их же сбытия никакоже можеши показати, да не обольщена буду, что ум мой и душу смущаеши... Аз же в тишине духа Моего воспевати буду: Аллилуиа. Икос 4 Слыша Архангел смиренных глагол Пресвятыя Девы высоту, рече к Ней: Что мене боишися, Всенепорочная, паче Тебе боящагося? Что мене благоговееши, Владычице, Тебе честно благоговеющему? Не удивляйся странному моему зраку, не ужасайся, Архангел бо есмь. Змий прельсти Еву иногда, аз же Божий предстатель послан есмь Божественный Совет Предвечный поведати Тебе. Не бойся, Мириам, обрела бо еси благодать у Бога безмерныя ради девственныя чистоты Твоея. Сего ради зачнеши во чреве и родиши Сына и наречеши Имя Ему Иисус. Сей будет Велий и Сын Вышняго наречется. И даст Ему Господь Бог престол Давида отца Его и воцарится в дому Иаковли во веки и Царствию Его не будет конца. Благовествующе же сие велие благочестия таинство, со страхом вопию Тебе сицевая: Радуйся, Звездо незаходимая, вводящая в мир великое Солнце Христа. Радуйся, Заре присносияющая, являющая человеком всего мира Творца. Радуйся, паче утра светлейшая, всем во тьме греха сидящим свет благодати облистающая. Радуйся, паче злата дражайшая, всем неведущим Бога сокровище веры показующая. Радуйся, Лествице небесная, Еюже Бог нисходит с небес. Радуйся, мосте к Небесем приводяй, Имже мир исполняется чудес. Кондак 5 Богодухновенныя глаголы Архангеловы слышавше, Пресвятая Дева смутися паче бывшаго, зане тии Рождество Ей возвещаху. Сего ради 3

4 рече ко Архистратигу: Глаголи Мне явственнейше, како зачну, Дева сущи отроковица браку Непричастная. Како будет сие, идеже мужа не знаю? Како убо глаголеши, яко рожду, боюся еда лесть глаголеши? Сия рече не неверия ради, но яко не веде, како может родити, естества законы превосшедши. Сего ради рече ко Ангелу: скажи Ми образ рождения, во еже не повредитися девству Моему, и тогда обрящеши сердце Мое к Божию изволению готовое, да с радостию воспою Богу: Аллилуиа. Икос 5 Видев Архангел величие веры Пречистыя, рече к Ней: Глаголы, яже мне вещаеши, обычая есть рождества человеков смертных, законам же естества не работает Иисус, Содетель естества, Отроковице. Ты ищеши увидети от мене образ зачатия Твоего, но той несказанен есть: Дух Святый найдет на Тя и Сила Вышняго осенит Тя, темже и Рождаемое Свято наречется Сын Божий. От Того во чреве приимеши и Той совершит в Тебе недоведомое зачатие, о Пресвятая Дево. Сего ради прославляю Тя сице: Радуйся, Духа Пресвятаго Невесто Богоизбранная и преднареченная. Радуйся, Бога Отца Дщерь прелюбимая и превожделенная. Радуйся, Свитче Божественный, в немже перстом Отчим написуется в Тебе Божие Слово. Радуйся, златый Светильниче, Имже Огнь Божества возсияет всему миру. Радуйся, Глубине неисчерпаемая, неудобозримая и Ангельскима очима. Радуйся, Высоте неизглаголанная, неудобовосходимая человеческими помыслы. Кондак 6 Проповедника Божественнаго и Вестника небесного тя верую быти, рече Пресвятая Дева ко Ангелу: вижду бо тя ангельскою облистаема светлостию, обаче стыждуся скоро веровати словесем Твоим, не уведевше первее со всякою известностью. Слышах бо Священную некую Деву Еммануила рождающую, пророком древле предреченную. Сего ради хощу разумети, како естество человеческое претерпит Божества растворение, да познаю таинства силу и с верою воспою Богу: Аллилуиа. Икос 6 Возсиявает ныне, Пречистая, Тобою всему миру велие Таинство воплощения Божия, рече Архангел к Богородице, Ты бо еси Оная Святая Дева, о Нейже предрече Исаия. Ты еси Дверь Божества, чистотою запечатленная и девством хранимая, Юже Иезекииль предвиде. Господь пройдет Тобою, якоже солнечная луча стекло или кристалл проходит, просвещающи и освящающи Тя Божественною 4

5 Славою, во еже быти Тебе истинною Материю Божией, рождающей Совершеннаго Бога и Совершеннаго человека, и Девою Нетленною, якоже прежде Рождества, такожде в Рождестве и по Рождестве Твоем, родиши бо Сына, Соблюдающа Твое девство неврежденно. Сего ради, прославляюще величие тайны Твоея, вопию Тебе сице: Радуйся, Купино неопалимая, Юже не опалит огнь Божества, Моисеем предзримая. Радуйся, двере затворенная, Еюже пройдет Бог, Иезекиилем предреченная. Радуйся, Скиние предивная, Яже Невместимаго Бога не тесно вместит, Авраамом прообразованная. Радуйся, руно орошенное, на Негоже Владыка яко капля дождевная тихо снидет, Гедеоном предвещанное. Радуйся, земле ненасеянная, Слово Небесное, яко пшеницу плодоносную, чисто прозябающая. Радуйся, ниво неоранная, Сына Божия, яко клас Божественный, яве произрастающая. Кондак 7 Хотящи веровати страшней тайне Архангелом возвещенной, Пресвятая Дева обаче смутися промышляющи высоты сия величество, и вся стыдящися, глаголаше: Рцы Ми, Гаврииле, истиннейшая, како нетленней бывши чистоте Моей, рожду с плотию Безплотнаго? Чудеса всегда быша множицею Божественною силою чудодействуема, дева же неискусомужне никогдаже роди. Сего ради како может всеми невместимый и всеми невидимый во чрево девичие вселитися, еже Сам созда? Рцы Ми сия, да с верою воспою Богу: Аллилуиа. Икос 7 Нова и страшна и чудна Твоя таинства, рече Ангел Богородице, и новую тварь показа Тобою всех Творец Господь, Ты бо Едина Царя Воплощаема приимеши во утробе, да Ты Едина Мати Сына Божия пронаречешися, Чистая. Сего ради не дивися чудеси и да не сумнишися: «Бог, идеже хощет, побеждается естества чин», вся бо возможна суть Всемогущему. И якоже от ребр Адамовых создана бысть Ева без матери древним Богозданием, тако и ныне от Твоего девства воплощается без отца всех Господь. И да уверит Тя жезл Ааронов невлажно прозябший и руно Гедеоново, зане, яко росу, зачатие приимеши, Нетленная Дева сущи. Такожде и купина во огне неопально пребывшая да возвестит Ти, яко приимеши огнь, Божества, Приснодева, и по Рождестве пребудеши Чистая. Сего ради приими целование мое, да вси племена земная с радостию воспоют Тебе: Радуйся, жезле Ааронов, нетление всему миру прозябший. Радуйся, финикс Давидов, безсмертие падшим людем процветший. Радуйся, Скиние небесная, от Херувимов осеняемая и ублажаемая. Радуйся, Святая Святых большая, от Серафимов почитаемая и 5

6 приснославимая. Радуйся, Чаше Безсмертнаго Царя, в Нейже растворяется от Святаго Духа всемирная радость. Радуйся, Стамно Божественныя манны, от Неяже верным уготовляется неизреченная сладость. Кондак 8 Страннаго Рождества сего величество смущает Мя, рече Пресвятая Дева ко Ангелу, понеже Всеблагой благоволи паче ума вселитися в Мя, да Храм чист душею и плотию соблюден буду Ему, глас радования глагол твоих приемши, веселия Божественнаго исполняются, да упразднится ныне Мною древнее Евино осуждение и да воздается Мною днесь долг человеков, да вси светлому благовещению сему радующеся, благодарственно воспоют Богу: Аллилуиа. Икос 8 Вся тварь ныне о Тебе радуется, Благодатная, Ангельский Собор и человеческий род, рече Архангел, яко дадеся Тебе радость Божественная и яко всякое обетование Божие Тобою ныне приемлет конец: Тобою днесь благословися Авраам о семени своем. Тобою ныне свободися Ева от древния печали. Тобою ликует Адам, яко днесь исполняется первое благовестие падшим людем: семя Жены сотрет главу змия. Тобою вся тварь ныне начинает свобождатися от рабства тлению в свободу славы чад Божиих. Тобою ныне подадеся всему роду человеческому всякая радость и веселие вечное, да вси во веки восхвалят Тя сице: Радуйся, обрадованная Дево, от древних патриархов прообразованная. Радуйся, Святая Богоневесто, всеми пророки древле предвозвещенная. Радуйся, Вертограде заключенный, в Негоже Царь Небесный возжела внити. Радуйся, Кладезю запечатленный, от Негоже никтоже возможет испити. Радуйся, Саде Божественный, в Немже от всех цветов Святаго Духа райское благоухание во весь мир изнесеся. Радуйся, Раю новонасажденный, в Немже Божественное древо жизни посреде Тебе к прозябению уготовися. Кондак 9 Всякое естество Ангельское удивися ныне о Тебе, Пречистая, слышаще дивное Твое со Архангелом Гавриилом собеседование и наипаче моление Твое сие: «Душу очисти, Тело освяти, Церковь сотвори Мя вместительну Божию и Скинию Богоукрашенну, да наитием Пресвятаго Духа сотворюся храм одушевлен и Матерь Чистая Жизни». Егда же по молитве сей изрекла еси из смиреннаго 6

7 сердца Твоего: «Се Раба Господня, буди Ми по глаголу твоему, да вселится Бог в Мя», вся Небесныя Силы прославиша Бога, видяще, яко готово сердце Твое к приятию Божественному, и со страхом и с радостию воспеша Ему: Аллилуиа. Икос 9 Вития Божественный Святый Архангел Гавриил бысть в страсе и в молчании глубоцем и прекрати глаголы своя, егда, Пресвятая Дево, Ты изрекла еси смиренное слово Свое: «Се раба Господня, буди Ми по глаголу твоему». В начале мирскаго бытия творческим словом сим: «да будет», Творцем изреченным, создана быша всяческая видимая и невидимая. Ныне же слово сие, Девою изреченное, низведе Творца твари в мир сей и тако открывается днесь еже от века таинство великое: Сын Божий Сын Девы бывает, да бога Адама соделает. Соприсносущное Слово Отчее, не разлучився от горних, сниде на землю и бысть Плоть и вселися в ны, неизреченно истощается и во Утробу Девичу вселяется. Да радуется убо небо и земля и со Архангелом да поет Пречистей Деве сице: Радуйся, Небо земное, до горних высот смиренным духом возшедшее. Радуйся, Селение Небесное, Слово Божие неизреченно вместившее. Радуйся, Благословенная, зачатие Превечнаго Бога нетленно приемшая. Радуйся, Благодатная, Чертог Девства Твоего в зачатии Едина сохраньшая. Радуйся, Чистая Дево, естества уставы в Боговоплощении преславно победившая. Радуйся, Богоневесто, естество Ангельское в Благовещении Твоем предивно возвеселившая. Кондак 10 Спасти хотяй мир, Человеколюбец Господь сниде, яко дождь на руно в Пречистую утробу Твою, о Богомати, и абие неизреченным наитием Святаго Духа содеяся недоведомое зачатие и Превечное Слово Божие Плоть бысть и вселися в Тя, восприяв Ю от Пречистых кровей Твоих без услаждения плотскаго, но не без услаждения духовнаго: тогда бо Девическое сердце Твое божественным исполнися желанием и дух Твой горяще пламенем Серафимския любви, ум же весь, аки вне Себе быв, в Бозе углубляшеся. И тако услаждаяся неизреченнаго Боголюбия сего и умнаго Боговидения, Ты поклонилася еси Воплощаемому от Тебе Господу Твоему и радостно воспела еси Ему: Аллилуиа. Икос 10 Стена еси девам, Богородице Дево, ибо девственно от Духа Свята зачала еси Предвечнаго Бога и Дева пребыла еси и тако Еву от древния печали свободила еси. Днесь радость Благовещения, 7

8 девственное торжество и таинство велико, начало нашего спасения. Днесь веселится небо и радуется земля. Сего ради великий Гавриил первый от всея твари, разумев духом великое Боговоплощения таинство, поклонися со страхом велиим воплощьшемуся в Девичей утробе Спасу мира и воплощшую Пречистую Деву почти подобающим поклонением, яко Царицу неба и земли, и с благовением велиим воспе Ей таковая: Радуйся, высокого таинства воплощения Божия пречудное совершение. Радуйся, неизреченнаго составления Плоти Христовой преславное явление. Радуйся, Чертоже безсеменнаго уневещения, в Немже Творец всего мира днесь вместися. Радуйся, Ковчеже Божественнаго воплощения, Имже радость велия всей вселенней ныне даровася. Радуйся, Девице, Боготканную порфиру от Пречистыя Плоти Твоея Слову Божию исткавшая. Радуйся, Отроковице, нетленную багряницу от девственных кровей Твоих Агнцу Божию взаимодавшая. Кондак 11 Пение всеумиленное принесла еси, Пречистая, егда по отшествии Архангелове посетила еси праведную Елисавету южику Твою и возвестила ей радость Благовещения, в веселии духа, глаголюще: «Величит душа Моя Господа и возрадовася дух Мой о Бозе Спасе Моем. Яко призре на смирение Рабы Своея, се бо отныне ублажат Мя вси роди». Сие посещение Твое возвесели праведную Елисавету и взыграся от радости младенец Иоанн во чреве ея, и исполнися Духа Свята Елисавет, и рече: «Откуду мне сие, да прииде Мати Господа Моего ко мне». Да взыграется ныне и наш дух, ощущающи в день Благовещения Твоего радость посещения Твоего. Сего ради с Елисаветою возопием Тебе: «Благословена Ты в женах и Благословен Плод чрева Твоего», Ему же выну да поем вси: Аллилуиа. Икос 11 Свет велий и Божественный возсия в души Твоей, Пречистая, егда по гласу Архангела Дух Святый сниде на Тя и Сила Вышняго осени Тя и егда абие зачала еси в Богоблагодатней девственней утробе Своей Творца светов, Егоже свет во тьме светит и тьма его не объят. Той просвети Тя, яко солнце, светом Божества Своего, Всю прослави и обожи, сего ради сияет доброта Твоя, блистает чистоты Твоея светлость, якоже предрече о Тебе в Песнех Дух Святый: «Вся добра еси, ближняя Моя, и порока несть в Тебе». Вся избранна, Вся преукрашенна явилася еси, Юже Бог возлюби, Вся чистая и Божественный Славы исполненна. Сим Божественным Твоим Светом просвещаемии, да воспоим Тя и мы в песнех, яко Матерь Света сице: Радуйся, Свеще Божественнаго Света, Свет невечерний в утробе Твоей понесшая. Радуйся, Луче умнаго Солнца, весь мир светом лица 8

9 Божия просветившая. Радуйся, небесный Светильниче, на свещнице земном всей вселенной возженный. Радуйся, живоносный Источниче, благодатию Духа Святаго преизобильно орошенный. Радуйся, светоносная Дево, Еяже ради свет Боговедения днесь нам всем возсия. Радуйся, избранная Богоневесто, Еюже ныне радость неизреченная весь мир облиста. Кондак 12 Благодать Божественная и радость велия процвете днесь всему миру, Пречистая, в светоносный день Благовещения Твоего, яко Тебе ради в день он древняя печаль преста и начало спасения человеков положися: Сын Божий, Сын Девы явися и земля Евы ради проклята бывшая, Тобою, Дево, днесь паки благословися. Херувим от древа жизни отступает и врата райския верным днесь паки отверзаются, мир же весь исполнися радости, отнележе великий Гавриил еже радуйся Тебе, Дево, свыше возгласи. Сего ради небеса убо достойно днесь да веселятся, земля же да радуется, всякое же дыхание и тварь да поют о Тебе Богу: Аллилуиа. Икос 12 Поюще всерадостное от Архангела Благовещение Твое, Богородице, восхваляем вси страшное, преславное и велие таинство чистаго и девственнаго от Духа Святаго зачатия Твоего, поклоняемся нетленно зачатому от Тебе Сыну Твоему Христу Богу нашему и от всего сердца веруем и исповедуем, яко и в Божественном зачатии и по Рождестве Твоем Ты пребыла еси Приснодева. Сего ради с Гавриилом принесем Тебе сицевый архангельский глас: Радуйся, Благодатная, облеченная в Солнце, сияющая благодатию и славою всей вселенней. Радуйся, Благословенная, от восток солнца до запад препетая и превозносимая по всей поднебесней. Радуйся, ангельское великое удивление, Гавриила красотою девства Своего удивившая. Радуйся, всему миру благое веселие, падшия люди радостию Благовещения Твоего возвеселившая. Радуйся, смиренная Раба Господня, высотою смирения Своего Бога на землю низведшая. Радуйся, Милосердная Мати Бога Вышняго, Матерним заступлением Своим многие грешники ко Христу приведшая. Кондак 13 О, Всепетая Параклита Невесто, чистая, брака не познавшая Дево! Архангела красотою девства удивившая и Богу Слову Плоть нетленно днесь взаимодавшая, нынешняя наша приемши приношения о всерадостном от Гавриила благовещении Твоем, Христу Богу 9

10 обрученныя в девстве сохрани, всех же в чистоте укрепи и от бед избави, да свободшеся Тобою от вечных мук. Тобою рай да обрящем, идеже вси да воспоем о Тебе Богу: Аллилуиа. (Этот кондак читается трижды, затем икос 1 и кондак 1) Молитва О, Пресвятая, Богоизбранная Дево, Святаго Утешителя Духа Всенепорочная Невесто, Пребожественнаго же Отца Небеснаго Дщерь Превожделенная, посреде терния мира сего Тем обретенная, яко крин пресветлый добротою девства блистающийся, да Сыну Божию Чистая Матерь Неискусобрачная будеши! Что убо воздадим Тебе в пресветлый день сей Благовещения, воньже Архангела Гавриила красотою безмернаго девства Своего удивила еси и от того неизреченное обрадование восприяла еси? Что принесем Тебе за вся утешения Твоя, имиже возвеселила еси в день сей весь мир видимый и невидимый, наипаче же падший древле род человечь? Днесь спасения нашего начало и еже от века таинства явление: ныне убо Слово Божие тихо сниде с небес, яко капля каплющая на землю, и вселися в Твою Богоблагодатную Девственную утробу и бысть Плоть спасения нашего ради. Сего ради днесь Ангели ликуют на небесех и вся тварь веселится и радуется, празднующе начало свобождения своего от работы истления в свободу славы чад Божиих. Ныне радуется женское естество, Евы ради падшее, та бо повинувшися змию печаль роди женам и неудержанно введе смерть. Ты же, Дево, разрешила еси от горькия работы весь род человечь и свободою Христовою естество женское почтила еси, зане девством чистым паки истинную жизнь ввела еси, и сего ради жены, девство держаще, врага яве побеждати начинают. Ныне Адам ликует, видев, яко в пресветлый день сей исполнися на Тебе первое райское благовестие, яко семя Жены сотрет главу змия. С нимже ликовствует ныне весь род человечь, понеже Тобою, Пречистая, упразднися днесь древнее отвращение Божие к человеком, Бога бо паки привела еси к нам. Сего ради зрим Тя ныне, якоже древле Иаков, яко Лествицу Высокую, Еюже сниде Бог на землю и яко Мост Пречуден, имже сущих от земли паки возводиши на небо. Что воздадим Тебе, Царице неба и земли, за вся сия, имиже радость несказанную подала еси падшим и заблуждшим людем Твоим? Вся наши жертвы и приношения ничтоже суть пред величеством благодеяний Твоих. Единое точию угодно Тебе: «сердце сокрушенно и смиренно», егоже и Сын Твой и Господь наш «не уничижит». Сего ради молим Тя: исполни нас от превосходящия высоты смирения Своего елика вместити возможем, да принесем Ти во всесвятый день Благовещения Твоего Твоя от Твоих, во еже во всяцем деле блазе не мыслити высокая, но выну в смирении духа пребывати. Сею первейшею добродетелию украшени, 10

11 в пресветлый день сего праздника Твоего в кротости и чистоте сердца со Архангелом Гавриилом возопием тебе: Радуйся, Благодатная, Радуйся, Обрадованная, Радуйся, Преблагословенная, Господь с Тобою и Тобою с нами во веки веков. Аминь. 11

О РОЖДЕНИИ СВЫШЕ Господь Бог совершен в Святой Троице, от Него свыше нисходят все дары совершенные. «... Всякое даяние доброе и всякий дар совершенный нисходит свыше, от Отца светов, у которого нет менения

Свящ: И сподоби нас Владыка, со дерзновением, неосужденно осмелиться призывать Тебя, Небесного Бога Отца, и говорить. Благодарственная малая ектенья (В конце Литургии). Диак: Станем с благоговением, и

Конспект проповеди Евангелие Рождества I 1. Что такое Рождество? Гал 4:4 Но когда пришла полнота времени, Бог послал Сына Своего Единородного. Который родился от жены, и подчинился закону. У Бога все точки

Самый главный христианский праздник ПАСХА. Светлое Воскресение Христово Господь Иисус Христос силою Своего Божества ожил, то есть воскрес из мертвых, победил смерть и искупил наши грехи. Главные православные

Могут ли христиане иметь сейчас вечную жизнь и не потерять ее? Вечная жизнь есть «дар Божий во Христе Иисусе, Господе нашем». Она обещана тем, кто поверит в нее. 25 Обетование же, которое Он обещал нам,

В день праздника Богоявления Крещения Господня, всякому православному христианину не лишние вспомнить о другом крещении, о том крещении, которое совершено было над каждым из нас, православных христиан,

ПРИХОДСКОЙ ЛИСТОК Храма иконы Божией Матери Нечаянная радость пос. Некрасовский Московская епархия Русской Православной Церкви Издается по благословению митрополита Крутицкого и Коломенского ЮВЕНАЛИЯ Выпуск

Серия проповедей «Истинный христианин» Путь обретения мира 2Кор 5:18-21 2Кор 5:18-21 Все же от Бога, Иисусом Христом примирившего нас с Собою и давшего нам служение слово примирения. 20 Итак мы-- посланники

Слово Протоиерея Тихона Пелых (+1983г.) на Благовещение Пресвятой Богородицы «Радуйся, Невесто Неневестная!» Как и все праздники Божией Матери этот овеян таинственностью, которая непостижима для мира.

О ВОСКРЕСЕНИЕ ПЕРВОМ И ПОСЛЕДНЕМ Триединый Бог сотворил первых людей Адама и Еву и вдунул в человека дыхание жизни. /Быт. 2:7/ Бог дал всякой плоти человеческой дух вечный. /Еккл. 12:7; Числ. 16:22/ Вначале

Серия проповедей «Сообщество веры» Часть 2 Единая жизнь Еф 4:1-6 Итак я, узник в Господе, умоляю вас поступать достойно звания, в которое вы призваны, 2 со всяким смиренномудрием и кротостью и долготерпением,

Канон Рождеству Пресвятой Богородицы Празднуем 8 (21) сентября Тропарь, глас 4-й Рождество= Твое=, Богоро=дице Де=во, ра=дость возвести= всей вселе=нней: из Тебе= бо возсия= Со=лнце Пра=вды Христо=с Бог

Главы Ставропольской митрополии митрополита Ставропольского и Невинномысского КИРИЛЛА духовенству, монашествующим, всечестному казачеству и всем верным чадам Русской Православной Церкви Ставропольской

Христос в книге Второзакония Ин 5:39-40 Вы исследуете Писания, чтобы через них иметь жизнь вечную; а они свидетельствуют обо Мне. 40 Но вы не хотите прийти ко Мне, чтобы иметь жизнь. Лк 24:44-45 И сказал

Пояснительная записка Рабочая программа по православной культуре 3 класса составлена с учётом: Модифицированной программы для 3 классов общеобразовательных учреждений Краснояружского района письма Министерства

Истинно свободны Когда освобождает Христос «Итак, если Сын освободит вас, то истинно свободны будете». Ин 8:36 Часть - 4 Как не зависеть от людей - 1 люди Внутренний Человек Я разум желания чувства воля

Серия проповедей «Панорама Библии» Евангелие от Иоанна «Неверие и вера» Цель Евангелия от Иоанна Ин 20:31 Сие же написано, дабы вы уверовали, что Иисус есть Христос, Сын Божий, и, веруя, имели жизнь во

КАНОН ПРАЗДНИКА БЛАГОВЕЩЕНИЯ ПРЕСВЯТОЙ БОГОРОДИЦЫ (С переводом на русский язык) Песнь 1 Ирмос: Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и

Свидетельства искупления в живом мире Важный аспект Божией благодати. Существует еще один важный аспект Божией благодати. Бог действительно есть Бог всякой благодати, но Он может проявлять Свою благодать,

Пророк всегда утешит! ПРОРОК - ВСЕГДА УТЕШИТ! Христианские стихи о Служении Богу в Молитвенной Ревности по Духу Святому, для всех Церквей ХВЕ ПятидесятниковАминь Пророк - всегда утешит, Подаст Душе Молитву,

Красный крест «Благословен Бог наш». СЛУЖБА С ПОЛИЕЛЕЕМ (В седмичный день) (Октоих отменяется полностью) ВЕЛИКАЯ ВЕЧЕРНЯ «Аминь». Обычное начало (если не было 9 часа), 103 псалом. Великая ектения. Х: «Блажен

Кондак 1 Взбранной Воеводе Деве Благодатней, яко избавившей нас от всякаго зла греховнаго, благодарственная восписуем Ти, раби Твои непотребнейшии, но яко имущая власть умягчати сердца злыя, от всякаго

СЛОВО БОГА???????????????????????????Третие основание. Термин СПАСЕНИЕ может быть переведен как слово ИЕШУА. Спасение, к которому это относится выглядит следующим образом: 1) спасение, которое сделал Иисус

Красный крест полу окружен ВСЕНОЩНОЕ БДЕНИЕ (В седмичный день) ВЕЛИКАЯ ВЕЧЕРНЯ Д: «Востаните»! «Слава Святей». «Приидите поклонимся» - 4 раза. Х: 103 псалом «Благослови душе моя, Господа». Великая ектения.

Е$же по пл0ти, ржcтво2 гdа бgа и3 сп7са нaшегw ї}са хrтa повечeріе вели1кое. літjz. полmелeйнаz ќтренz Редакциz и составление Г.Смирнова Храм Живоначальной Троицы в Останкино Подворье Патриарха Московского

Канон пред иконой Пресвятой Богородицы «Нечаянная Радость» Память празднуем 9 (22) декабря Тропарь, глас 4-й Днесь, ве=рнии лю=дие, духо=вно торжеству=ем, прославля=юще Засту=пницу Усе=рдную ро=да христиа=нскаго,

ВОЛЯ ЧЕЛОВЕКА И БЛАГОДАТЬ В СПАСЕНИИ Церковь «Новогиреево» 8 февраля 2014 года В.В. Стариков Содержание Состояние человека До грехопадения После грехопадения и до возрождения После возрождения Божье спасение

КАНОН ПРЕД ИКОНОЙ ПРЕСВЯТОЙ БОГОРОДИЦЫ «ТРОЕРУЧИЦА» Память празднуем 12 (25) июля Тропарь, глас 4-й Я=ко звезда= светозаря=ющая, из Се=рбии на Афо=н чуде=сно прии=де всечестна=я ико=на Твоя= Троеру=чица,

Тайна благочестия - 3 1 Тим 3:16 Родился, чтобы жить Втор 29:29 Сокрытое [принадлежит] Господу Богу нашему, а открытое-- нам и сынам нашим до века, чтобы мы исполняли все слова закона сего. Рим 5:8-10

Джон Пол Джексон: Истинная духовность (2) Истинная духовность и псевдо духовность Библейская подсказка Я верю, есть метод, которым Бог начал Библию и историю человечества Это так просто, что мы упускаем

«Символы веры» коллекция медальонов Эти произведения сделаны для христиан, ценящих простую красоту, для всех тех, кто открыт миру, для тех кто не скрывает христианских принципов жизни и хочет им следовать.

Псалом 134 Суверенитет Бога Часть 3 БОГ БИБЛИИ СУВЕРЕННЫЙ БОГ 5 Я познал, что велик Господь, и Господь наш превыше всех богов. 6 Господь творит всё, что хочет, на небесах и на земле, на морях и во всех

Ноев ковчег, прообраз церкви Ковчег во многом дает нам на глядное изображение церкви. Внутри ковчега семья Ноя была вместе, отделенная от нечестивого мира. Подобным же образом, верующие избавлены от греховного

«РОЖДЕСТВО ИОАННА ПРЕДТЕЧИ» СЦЕНАРИЙ УРОКА 1 ДЛЯ ДЕТЕЙ 8-10 ЛЕТ (продолжительность урока 30 минут) Автор разработки: Кукуева Надежда Николаевна, кандидат педагогических наук Сценарий урока развивается

Хвала и благодарение 001 Слава! Слава! 002 Славьте Творца, восхваляйте 003 Как лань желает к потокам 004 Сей день 005 Великий Бог, Ты сотворил весь мир! 006 Готово сердце мое 007 Готово сердце мое 008

Акафист Пресвятой Богородице перед Ея иконой, именуемой «Воспитание» Кондак 1 Взбранной Воеводе и Благой Воспитательнице рода христианского, яко избавльшеся от злых, благодарственная восписуем Ти раби

Слушай, Израиль, Я Господь, Бог твой! Псалом 48 1 Начальнику хора. Сынов Кореевых. Псалом. 2 Слушайте сие, все народы; внимайте сему, все живущие во вселенной,- 3 и простые и знатные, богатый,равно как

Да святится имя Твое Говоря о поклонении, нам важно понять, что значит имя Бога. Да святится имя Твое это значит что Имя Божье будет отделено, отлично от имени человеческого. В имени Бога открывается сущность

СВЕТЛОЕ ХРИСТОВО ВОСКРЕСЕНИЕ. ПАСХА Полунощница Благословен Бог наш, ныне и присно и во веки веков. Слава Тебе Боже наш! Слава Тебе! Дух Истины, Небесный Утешитель, Ты всюду веешь и везде живёшь, Источник

Для больших и маленьких! 1 сентябрь 2011 г. Информационно-познавательноузнавательная газета о жизни, событиях, буднях и праздниках детского сада «ТОПОЛЕК» КОРОТКИЕ НОВОСТИ: 1 сентября прошел самый главный

ПЕРВЫЙ ЧЛЕН СИМВОЛА ВЕРЫ Верую во единаго Бога Отца, Вседержителя, Творца небу и земли, видимым же всем и невидимым. Веровать в Бога, значит быть твердо уверенным в том, что Бог есть (существует), промышляет

Находятся ли христиане под законом или не под законом? В одном месте Павел писал: «Вы не под законом»; а в другом месте он говорит о нахождении «под законом Христа». 14 Грех не должен над вами господствовать,

Сокровища в Храме Урок 18 1. Что видели в Божьем храме когда он был открыт на небесах? Откровение 11:19 2. Что было написано на каменных скрижалях ковчега завета? Второзаконие 10:3-5 Ковчег, содержащий

Слово ходатая: Любовь, которая творит великие чудеса Иоанна 5:32,35 «Есть другой, свидетельствующий о Мне; и Я знаю, что истинно то свидетельство, которым он свидетельствует о Мне. Он был светильник, горящий

Секрет и сила молитвы Мф 6:9-13 1 Фес 5:16-18 Всегда радуйтесь. 17 Непрестанно молитесь. 18 За все благодарите: ибо такова о вас воля Божия Кол 4:2 Будьте постоянны в молитве, бодрствуя в ней с благодарением.

Вера Шевченко Библия на каждый день для самых маленьких Ежедневное чтение с молитвой на 365 дней для детей дошкольного возраста Киев «Золотой город» 2017 УДК 27-23-053.2+741(02.053.2) ББК 86.37-2+85.15

Билет 1 1. Творение Богом мира и человека. Шесть дней творения. 2. Понятие о Божественном Откровении. Св. Предание и Св. Писание. 3. Христианство на Руси до св. князя Владимира. Св. княгиня Ольга. Билет

СЛУЖБА СО СЛАВОСЛОВИЕМ (В седмичный день) ВЕЧЕРНЯ «Благословен Бог наш». «Аминь». Обычное начало (если не было 9 часа), 103 псалом. Великая ектения. [Кафизма, малая ектения] опускается. Стихиры «Господи

Как использовать время в ожидании второго пришествия Люди ещё 2000 лет назад задавались вопросом, почему Господь до сих пор ещё не пришёл? 2 Пет. 3:9 говорит: «Не медлит Господь [исполнением] обетования,

Пребудьте во Мне, и Я в вас Пребудьте во Мне, и Я в вас. Как ветвь не может приносить плода сама собою, если не будет на лозе: так и вы, если не будете во Мне. Я есмь лоза, а вы ветви; кто пребывает во

Слава креста Флп 2:6-10 1Кор 1:17-18 Ибо Христос послал меня не крестить, а благовествовать, не в премудрости слова, чтобы не упразднить креста Христова. 18 Ибо слово о кресте для погибающих юродство есть,

Урок 7 У вас есть Помощник К этому моменту вы, возможно, говорите себе: Похоже, что христианская жизнь слишком трудна для меня. Не знаю, смогу ли я жить таким образом. Так много нужно делать, что даже

Участие в Вечере Библейский подход или Как правильно участвовать в Вечере 1 Кор 11:23-32 Лук 22:7-8 Настал же день опресноков, в который надлежало заколать пасхального [агнца], 8 и послал [Иисус] Петра

Святая Троица Значение праздника На пятидесятый день по Воскресении Христа все двенадцать апостолов вместе с Божией Матерью и другими учениками Христа были в Иерусалиме. Они собрались для молитвы в ожидании

Истина и вера Мф 16:26 какая польза человеку, если он приобретет весь мир, а душе своей повредит? Иак 1:18 Восхотев, родил Он нас словом истины, чтобы нам быть Ин 3:5 Иисус отвечал: истинно, истинно говорю

Беседа 3. Иисус Христос и начало творения мира Мы христиане. Кем для нас является Иисус Христос? В Христе «обитает вся полнота Божества телесно» (Послание Апостола Павла к Колоссянам 2:9) 1. В начале было

Виктория Бойсон: Видение принятие огня Святого Духа Иисус подготавливал Своих учеников, чтобы они приняли работу Святого Духа. В Евангелии от Иоанна 16:5-7 Он говорит: "А теперь иду к Пославшему Меня,

Бонни Джонсон: Сущность Его присуствия высвобождает силу «дюнамис» Апрель 2017 Цвет Любви Недавно я служила на конференции, где они спросили название моей проповеди. Сразу же Господь дал мне его, и я должна

16 апреля 2017 года Воскресная проповедь ц. «Сонрак» Епископ Ким Ги Донг (Ин.21:15-18) Бог есть любовь. Он явил миру любовь, послав Слово, и это Иисус Христос (Ин.1:14). Наша вера в том, чтобы любить Его.

Кент Симпсон: Что говорит ваше сердце? Вы знали, что слово "сердце" упоминается в Библии более 800 раз? Вы когда-нибудь задумывались о том, как используется это слово, когда оно не относится напрямую к

Конференция «Реформация сегодня» Сессия 7 Богу слава Рим 11:33-36 «Денно и нощно я усердно трудился, доколе не узрел связи между правосудием Божьим и словами о том, что "праведник верою жив будет". И понял

Урок 39 1. -Кто был новым лидером израильтян, которого выбрал Бог, чтобы заменить Моисея? -Иисус. 2. -Бог сдержал своё обещание и дал, потомкам Авраама, землю Ханаан? -Да. 3. -Что сделали израильтяне,

Серия проповедей по посланию к Колоссянам «Христос в вас, упование славы» Кол. 1:27 Кол. 1:27 «Которым благоволил Бог показать, какое богатство славы в тайне сей для язычников, которая есть Христос в вас,

ОБ ОСНОВАХ ПРАВОСЛАВНОЙ ВЕРЫ Заповеди, данные Богом человеку в Ветхом Завете: 1. Я Господь Бог твой, да не будет у тебя других богов... Эта заповедь учит человека верности своему Творцу Богу. Единому в

Архимандрит Софиан (Богиу; 1912 2002) был одним из самых почитаемых румынских духовников. Знаменитый иконописец, он писал Божественные образа не только на холсте, но и восстанавливал, возрождал образ Божий

Урок 6, 5 августа 2017 Ибо если по закону наследство, то уже не по обетованию; но Аврааму Бог даровал оное по обетованию (Галатам 3:18) Изучая отрывок Галатам 3:15-20, необходимо обратить внимание на значение

«РОЖДЕСТВО ПРЕСВЯТОЙ БОГОРОДИЦЫ» 1 СЦЕНАРИЙ УРОКА 2 ДЛЯ ДЕТЕЙ 11-13 ЛЕТ (продолжительность урока 40 минут) Автор разработки: Кукуева Надежда Николаевна, кандидат педагогических наук Материал разработан

Канон, глас 1. Песнь 1. Воскресе$ния де$нь,/ просвети=мся, лю$дие,/ Па$сха, Госпо=дня Па$сха$:/ от сме=рти бо к Жи$зни$/ и от земли$ к Небеси$/ Хри$сто$с Бо$г на$с преведе$// побе=дную пою%щи%я%. Припев.

Кондак 1
Избранной в Предвечном Совете Богоотроковице Марии, послужити велию таинству Боговоплощения, сияющей девственной чистотою паче высшия небесныя чистоты, благоговейныя пения принесем Тебе, Богородице, о всерадостном от Архангела Благовещении Твоем. Ты же, яко обрадованная и радость падшим людем подати могущая, избави нас от всяких бед и греховныя печали, и возведи нас к небесней радости, да с Гавриилом вопием Тебе: Радуйся, Благодатная, Господь с Тобою.

Икос 1
Архангел Гавриил предстояй Престолу Божию выну зрит неприступную Божественную Славу, егда же прииде время избавления человеков, прия повеление Господне: Буди служитель страшному чудеси и таинству сокровенному: милосердием Моим подвигся ко взысканию заблудшаго Адама, снити тщуся. Гряди убо во град Назарет, в немже отроковица Мария обитает, да прелюбезную красоту девства узриши. Гряди к сему одушевленному Божию Кивоту, ко второму Небеси на земли сущему. Иди к Сей Обители Воплощения Моего и возвести нетленное Мое от Нея пришествие. Блюди же, да не смутиши и да не устрашиши душу Девы, да в радости будет, а не в печали благовестие твое. Сего ради приступи к Ней кротко и первый глас твой радость Ей да принесет, и да возопиеши Ей сице: Радуйся, Благодатная, Еюже радость возсияет. Радуйся, Обрадованная, Еюже клятва исчезнет. Радуйся, Благословенная, Еюже вся тварь обновляется. Радуйся, Препрославленная, Еюже весь мир спасается. Радуйся, Богоизбранная Отроковице, падшаго Адама воззвание. Радуйся, Пренепорочная Лево, слез Евиных избавление. Радуйся, Благодатная, Господь с Тобою.

Кондак 2
Видев Архангел Гавриил, яко Человеколюбец Господь умилосердися, гиблемый зря род человеч, удивися зело, како Бог, Егоже небеса вместити не могут, в девичестей хощет вместитися утробе, како не опалит ю огнь Божества, како Бог, на Негоже Херувими и Серафими возрети не смеют, хощет во образе раба явитися на земле, да с человеки поживет. Сему неизреченному таинству чудящеся со страхом возопи Богу: Аллилуиа.

Икос 2
Разум неуразумеваемый страшнаго таинства открывая, рече Владыка Ангелов ко Архистратигу: что смущаешися, Гаврииле, о новости вещи? Аще не опали огнь купину в пустыне горевшую и не сгоравшую, не опалит всячески утробу Девичу Огнь Божества Моего, но паче оросит ю и освятит благодать Моя. Идеже бо хощет Бог, побеждаются естества уставы. Гавриил же, сия слышав, радости исполнися Божественныя, и отыде в Назарет, исполняя повеление Господне, помышляюще в себе, како внидет к Отроковице и како возвестит Ей таинство чудесное, во еже не смутити Ея девический помысл, и рече к себе: возвещу убо Ей первее радость, и целуя воспою глас таковый: Радуйся, Радосте всему миру, Тебе бо Единой подобает радоватися. Радуйся, Сладосте Ангелов, от Тебе Единей благоволи Господь воплотитися. Радуйся, Неувядаемый Цвете чистоты, Ты бо небесное благоухание всему миру явила еси. Радуйся, белоснежный крине девства, Ты бо райское девство на земли насадила еси. Радуйся, Сокровище паче всего дражайшее, Твоея бо доброты возжела Царь Небесный. Радуйся, Утро всему миру светлейшее, Твоим бо светом разгонится мрак греховный. Радуйся, Благодатная, Господь с Тобою.

Кондак 3
Силою Божественною укрепляемый слете с небесных высот великий Архангел и в Назарет град прииде, и обрете Святую Деву во внутреннем чертоге Своем не о житейских пекущуюся, но в молитве и чтении книжнем Пребывающую. Та бо разгнув книгу Исаии пророка, читаше словеса его: «Се Дева во чреве приимет и родит Сына и нарекут имя Ему Еммануил». И распаляшеся серафимскою любовию не точию к Имущему скоро приити Христу, но и к Девице оной, Яже имать родити Того, и размышляше коль неизреченно есть таинство сие и коль велико есть достоинство Девицы Тоя, и моляшеся, о еже увидети Ю, и аще возможно, последнейшею Ей быти рабынею Тоя, да с радостию воспоем Богу: Аллилуиа.

Икос 3
Имуще страх велий и благоговение к Богоотроковице, Юже Бог избра быти Владычицею неба и земли, великий Архангел приближися ко внутренним дверем чертога Тоя, и се абие внезапу предста Преблагословенней с кротостию великою, предста Пренепорочней небесный Вестник, да радость всему миру благовестит, предста безплотный Чистой Деве, да безчестие женское в честь преложит, и между Создателем и созданием уневещение да сотворит, и светлым гласом абие глагола Неискусобрачней: Радуйся, Благодатная, ликуй ныне и веселися, яко Господь с Тобою. Радуйся, Благословенная, слыши ныне и приклони ухо Твое, яко возжела Царь доброты Твоея. Радуйся, Обрадованная, яко благословенна Ты в женах. Радуйся, Препрославленная, яко велия слава Твоя на небесах. Радуйся, Богоизбранная Отроковице, яко спасется Тобою от прелести весь род человеческий. Радуйся, преизящная Девице, яко возвеселится о Тебе весь превысочайший собор Ангельский. Радуйся, Благодатная, Господь с Тобою.

Кондак 4
Бурю внутрь имущи помышлений сумнительных, смятеся Пресвятая Дева, таковое небесное благовестие услышавше, помысливше же в себе, каково будет целование сие, рече ко Архангелу: Ева, праматерь Моя, приемши разум змиин, лишися пищи Божественныя и изгнана бысть из рая, темже и Аз боюся целования страннаго твоего, стыдящеся поползновения. Сего ради отступи от дверей Моих, и не вещай глаголов, их же сбытия никакоже можеши показати, да не обольщена буду, что ум мой и душу смущаеши… Аз же в тишине духа Моего воспевати буду: Аллилуиа.

Икос 4
Слыша Архангел смиренных глагол Пресвятыя Девы высоту, рече к Ней: Что мене боишися, Всенепорочная, паче Тебе боящагося? Что мене благоговееши, Владычице, Тебе честно благоговеющему? Не удивляйся странному моему зраку, не ужасайся, Архангел бо есмь. Змий прельсти Еву иногда, аз же Божий предстатель послан есмь Божественный Совет Предвечный поведати Тебе. Не бойся, Мириам, обрела бо еси благодать у Бога безмерныя ради девственныя чистоты Твоея. Сего ради зачнеши во чреве и родиши Сына и наречеши Имя Ему Иисус. Сей будет Велий и Сын Вышняго наречется. И даст Ему Господь Бог престол Давида отца Его и воцарится в дому Иаковли во веки и Царствию Его не будет конца. Благовествующе же сие велие благочестия таинство, со страхом вопию Тебе сицевая: Радуйся, звездо незаходимая, вводящая в мир Великое Солнце Христа. Радуйся, заре присносияющая, являющая человеком всего мира Творца. Радуйся, паче утра светлейшая, всем во тьме греха сидящим свет благодати облистающая. Радуйся, паче злата дражайшая, всем неведущим Бога сокровище веры показующая. Радуйся, Лествице Небесная, Еюже Бог нисходит с небес. Радуйся, мосте к небесем приводяй, Имже мир исполняется чудес. Радуйся, Благодатная, Господь с Тобою.

Кондак 5
Богодухновенныя глаголы Архангеловы слышавше, Пресвятая Дева смутися паче бывшаго, зане тии Рождество Ей возвещаху. Сего ради рече ко Архистатигу: Глаголи Мне явственнейше, како зачну, Дева сущи отроковица браку Непричастная. Како будет сие, идеже мужа не знаю? Како убо глаголеши, яко рожду, боюся еда лесть глаголеши? Сия рече не неверия ради, но яко не веде, како может родити, естества законы превосшедши. Сего ради рече ко Ангелу: скажи Ми образ рождения, во еже не повредитися девству Моему, и тогда обрящеши сердце Мое к Божию изволению готовое, да с радостию воспою Богу: Аллилуиа.

Икос 5
Видев Архангел величие веры Пречистыя, рече к Ней: Глаголы, яже мне вещаеши, обычая есть рождества человеков смертных, законам же естества не работает Иисус, Содетель естества, Отроковице. Ты ищеши увидети от мене образ зачатия Твоего, но той несказанен есть: Дух Святый найдет на Тя и Сила Вышняго осенит Тя, темже и Рождаемое Свято наречется Сын Божий. От Того во чреве приимеши и Той совершит в Тебе недоведомое зачатие, о Пресвятая Дево. Сего ради прославляю Тя сице: Радуйся, Духа Пресвятаго Невесто Богоизбранная и преднареченная. Радуйся, Бога Отца Дщерь прелюбимая и превожделенная. Радуйся, свитче Божественный, в немже перстом Отчим написуется в Тебе Божие Слово. Радуйся, златый светильниче, Имже Огнь Божества возсияет всему миру. Радуйся, глубино неисчерпаемая, неудобозримая и Ангельскима очима. Радуйся, высото неизглаголанная, неудобовосходимая человеческими помыслы. Радуйся, Благодатная, Господь с Тобою.

Кондак 6
Проповедника Божественнаго и Вестника небесного тя верую быти, рече Пресвятая Дева ко Ангелу: вижду бо тя ангельскою облистаема светлостию, обаче стыждуся скоро веровати словесем Твоим, не уведевше первее со всякою известностью. Слышах бо Священную некую Деву Еммануила рождающую, пророком древле предреченную. Сего ради хощу разумети, како естество человеческое претерпит Божества растворение, да познаю таинства силу и с верою воспою Богу: Аллилуиа.

Икос 6
Возсиявает ныне, Пречистая, Тобою всему миру велие Таинство воплощения Божия, - рече Архангел к Богородице, - Ты бо еси Оная Святая Дева, о Нейже предрече Исайя. Ты еси Дверь Божества, чистотою запечатленная и девством хранимая, Юже Иезекииль предвиде. Господь пройдет Тобою, якоже солнечная луча стекло или кристал проходит, просвещающи и освящающи Тя Божественною Славою, во еже быти Тебе истинною Материю Божией, рождающей Совершеннаго Бога и Совершеннаго человека, и Девою Нетленною, якоже прежде Рождества, такожде в Рождестве и по Рождестве Твоем, родиши бо Сына, Соблюдающа Твое девство неврежденно. Сего ради, прославляюще величие тайны Твоея, вопию Тебе сице: Радуйся, Купино Неопалимая, Юже не опалит огнь Божества, Моисеем Предзримая. Радуйся, двере затворенная, Еюже пройдет Бог, Иезекиилем предреченная. Радуйся, Скиние предивная, Яже Невместимаго Бога не тесно вместит, Авраамом прообразованная. Радуйся, руно орошенное, на Негоже Владыка яко капля дождевная тихо снидет, Гедеоном предвещанное. Радуйся, земле ненасеянная, Слово Небесное, яко пшеницу плодоносную, чисто прозябающая. Радуйся, ниво неоранная, Сына Божия, яко клас Божественный, яве произрастающая. Радуйся, Благодатная, Господь с Тобою.

Кондак 7
Хотящи веровати страшней тайне Архангелом возвещенной, Пресвятая Дева обаче смутися промышляющи высоты сия величество, и вся стыдящися, глаголаше: Рцы Ми, Гаврииле, истиннейшая, како нетленней бывши чистоте Моей, рожду с плотию Безплотнаго?; чудеса всегда быша множицею Божественною силою чудодействуема, дева же неискусомужне никогдаже роди. Сего ради како может всеми невместимый и всеми невидимый во чрево девичие вселитися, еже Сам созда? Рцы Ми сия, да с верою воспою Богу: Аллилуиа.

Икос 7
Нова и страшна и чудна Твоя таинства, рече Ангел Богородице, и новую тварь показа Тобою всех Творец Господь, Ты бо Едина Царя Воплощаема приимеши во утробе, да Ты Едина Мати Сына Божия пронаречешися, Чистая. Сего ради не дивися чудеси и да не сумнишися: «Бог, идеже хощет, побеждается естества чин», вся бо возможна суть Всемогущему. И якоже от ребр Адамовых создана бысть Ева без матери древним Богозданием, тако и ныне от Твоего девства воплощается без отца всех Господь. И да уверит Тя жезл Ааронов невлажно прозябший и руно Гедеоново, зане, яко росу, зачатие приимеши, Нетленная Дева сущи. Такожде и купина во огне неопально пребывшая да возвестит Ти, яко приимеши огнь Божества, Приснодева, и по Рождестве пребудеши Чистая. Сего ради приими целование мое, да вси племена земная с радостию воспоют Тебе: Радуйся, жезле Ааронов, нетление всему миру прозябший. Радуйся, финикс Давидов, безсмертие падшим людем процветший. Радуйся, Скиние Небесная, от Херувимов осеняемая и ублажаемая. Радуйся, Святая Святых Большая, от Серафимов почитаемая и приснославимая. Радуйся, Чаше Безсмертнаго Царя, в Нейже растворяется от Святаго Духа всемирная радость. Радуйся, Стамно Божественныя манны, от Неяже верным уготовляется неизреченная сладость. Радуйся, Благодатная, Господь с Тобою.

Кондак 8
Страннаго Рождества сего величество смущает Мя, - рече Пресвятая Дева ко Ангелу, - понеже Всеблагой благоволи паче ума вселитися в Мя, да храм чист душею и плотию соблюден буду Ему, глас радования глагол твоих приемши, веселия Божественнаго исполняются, да упразднится ныне Мною древнее Евино осуждение и да воздается Мною днесь долг человеков, да вси Светлому Благовещению сему радующеся, благодарственно воспоют Богу: Аллилуиа.

Икос 8
Вся тварь ныне о Тебе радуется, Благодатная, Ангельский Собор и человеческий род, - рече Архангел, - яко дадеся Тебе радость Божественная и яко всякое обетование Божие Тобою ныне приемлет конец: Тобою днесь благословися Авраам о семени своем. Тобою ныне свободися Ева от древния печали. Тобою ликует Адам, яко днесь исполняется первое благовестие падшим людем: семя Жены сотрет главу змия. Тобою вся тварь ныне начинает свобождатися от рабства тлению в свободу славы чад Божиих. Тобою ныне подадеся всему роду человеческому всякая радость и веселие вечное, да вси во веки восхвалят Тя сице: Радуйся, Обрадованная Дево, от древних патриархов прообразованная. Радуйся, Святая Богоневесто, всеми пророки древле предвозвещенная. Радуйся, Вертограде заключенный, в Негоже Царь Небесный возжела внити. Радуйся, Кладезю запечатленный, от Негоже никтоже возможет испити. Радуйся, Саде Божественный, в Немже от всех цветов Святаго Духа райское благоухание во весь мир изнесеся. Радуйся, Раю новонасажденный, в Немже Божественное древо жизни посреде Тебе к прозябению уготовися. Радуйся, Благодатная, Господь с Тобою.

Кондак 9
Всякое естество Ангельское удивися ныне о Тебе, Пречистая, слышаще дивное Твое со Архангелом Гавриилом собеседование и наипаче моление Твое сие: «Душу очисти, Тело освяти, Церковь сотвори Мя вместительну Божию и Скинию Богоукрашенну, да наитием Пресвятаго Духа сотворюся храм одушевлен и Матерь Чистая Жизни». Егда же по молитве сей изрекла еси из смиреннаго сердца Твоего: «Се Раба Господня, буди Ми по глаголу твоему, да вселится Бог в Мя», вся Небесныя Силы прославиша Бога, видяще, яко готово сердце Твое к приятию Божественному, и со страхом и с радостию воспеша Ему: Аллилуиа.

Икос 9
Вития Божественный Святый Архангел Гавриил бысть в страсе и в молчании глубоцем и прекрати глаголы своя, егда, Пресвятая Дево, Ты изрекла еси смиренное слово Свое: «Се раба Господня, буди Ми по глаголу твоему». В начале мирскаго бытия творческим словом сим: «да будет», Творцем изреченным, создана быша всяческая видимая и невидимая. Ныне же слово сие, Девою изреченное, низведе Творца твари в мир сей и тако открывается днесь еже от века таинство великое: Сын Божий Сын Девы бывает, да бога Адама соделает. Соприсносущное Слово Отчее, не разлучився от горних, сниде на землю и бысть Плоть и вселися в ны, неизреченно истощается и во Утробу Девичу вселяется. Да радуется убо небо и земля и со Архангелом да поет Пречистей Деве сице: Радуйся, Небо земное, до горних высот смиренным духом возшедшее. Радуйся, Селение Небесное, Слово Божие неизреченно вместившее. Радуйся, Благословенная, зачатие Превечнаго Бога нетленно приемшая. Радуйся, Благодатная, Чертог Девства Твоего в зачатии Едина сохраньшая. Радуйся, Чистая Дево, естества уставы в Боговоплощении преславно победившая. Радуйся, Богоневесто, естество Ангельское в Благовещении Твоем предивно возвеселившая. Радуйся, Благодатная, Господь с Тобою.

Кондак 10
Спасти хотяй мир, Человеколюбец Господь сниде, яко дождь на руно в Пречистую утробу Твою, о Богомати, и абие неизреченным наитием Святаго Духа содеяся недоведомое зачатие и Превечное Слово Божие Плоть бысть и вселися в Тя, восприяв Ю от Пречистых кровей Твоих без услаждения плотскаго, но не без услаждения духовнаго: тогда бо Девическое сердце Твое божественным исполнися желанием и дух Твой горяще пламенем Серафимския любви, ум же весь, аки вне Себе быв, в Бозе углубляшеся. И тако услаждаяся неизреченнаго Боголюбия сего и умнаго Боговидения, Ты поклонилася еси Воплощаемому от Тебе Господу Твоему и радостно воспела еси Ему: Аллилуиа.

Икос 10
Стена еси девам, Богородице Дево, ибо девственно от Духа Свята зачала еси Предвечнаго Бога и Дева пребыла еси и тако Еву от древния печали свободила еси. Днесь - радость Благовещения, девственное торжество и таинство велико, начало нашего спасения. Днесь веселится небо и радуется земля. Сего ради великий Гавриил первый от всея твари, разумев духом великое Боговоплощения таинство, поклонися со страхом велиим воплощьшемуся в Девичей утробе Спасу мира и воплощшую Пречистую Деву почти подобающим поклонением, яко Царицу неба и земли, и с благовением велиим воспе Ей таковая: Радуйся, Высокого таинства Воплощения Божия пречудное совершение. Радуйся, неизреченнаго составления Плоти Христовой преславное явление. Радуйся, Чертоже безсеменнаго уневещения, в Немже Творец всего мира днесь вместися. Радуйся, Ковчеже Божественнаго Воплощения, Имже радость велия всей вселенней ныне даровася. Радуйся, Девице, Боготканную порфиру от Пречистыя Плоти Твоея Слову Божию исткавшая. Радуйся, Отроковице, нетленную багряницу от девственных кровей Твоих Агнцу Божию взаимодавшая. Радуйся, Благодатная, Господь с Тобою.

Кондак 11
Пение всеумиленное принесла еси, Пречистая, егда по отшествии Архангелове посетила еси праведную Елисавету южику Твою и возвестила ей радость Благовещения, в веселии духа, глаголюще: «Величит душа Моя Господа и возрадовася дух Мой о Бозе Спасе Моем. Яко призре на смирение Рабы Своея, се бо отныне ублажат Мя вси роди». Сие посещение Твое возвесели праведную Елисавету и взыграся от радости младенец Иоанн во чреве ея, и исполнися Духа Свята Елисавет, и рече: «Откуду мне сие, да прииде Мати Господа Моего ко мне». Да взыграется ныне и наш дух, ощущающи в день Благовещения Твоего радость посещения Твоего. Сего ради с Елисаветою возопием Тебе: «Благословена Ты в женах и Благословен Плод чрева Твоего», Ему же выну да поем вси: Аллилуиа.

Икос 11
Свет велий и Божественный возсия в души Твоей, Пречистая, егда по гласу Архангела Дух Святый сниде на Тя и Сила Вышняго осени Тя и егда абие зачала еси в Богоблагодатней девственней утробе Своей Творца светов, Егоже свет во тьме светит и тьма его не объят. Той просвети Тя, яко солнце, светом Божества Своего, Всю прослави и обожи, сего ради «сияет доброта Твоя, блистает чистоты Твоея светлость, якоже предрече о Тебе в Песнех Дух Святый: «Вся добра еси, ближняя Моя, и порока несть в Тебе». Вся Избранна, Вся Преукрашенна явилася еси, Юже Бог возлюби, Вся Чистая и Божественныя Славы исполненна. Сим Божественным Твоим Светом просвещаемии, да воспоим Тя и мы в песнех, яко Матерь Света сице: Радуйся, Свеще Божественнаго Света, Свет Невечерний в утробе Твоей понесшая. Радуйся, Луче Умнаго Солнца, весь мир светом Лица Божия просветившая. Радуйся, Небесный Светильниче, на свещнице земном всей вселенной возженный. Радуйся, Живоносный Источниче, благодатию Духа Святаго преизобильно орошенный. Радуйся, Светоносная Дево, Еяже ради свет Боговедения днесь нам всем возсия. Радуйся, Избранная Богоневесто, Еюже ныне радость неизреченная весь мир облиста. Радуйся, Благодатная, Господь с Тобою.

Кондак 12
Благодать Божественная и радость велия процвете днесь всему миру, Пречистая, в светоносный день Благовещения Твоего, яко Тебе ради в день он древняя печаль преста и начало спасения человеков положися: Сын Божий, Сын Девы явися и земля Евы ради проклята бывшая, Тобою, Дево, днесь паки благословися. Херувим от древа жизни отступает и врата райския верным днесь паки отверзаются, мир же весь исполнися радости, отнележе великий Гавриил еже радуйся Тебе, Дево, свыше возгласи. Сего ради небеса убо достойно днесь да веселятся, земля же да радуется, всякое же дыхание и тварь да поют о Тебе Богу: Аллилуиа.

Икос 12
Поюще всерадостное от Архангела Благовещение Твое, Богородице, восхваляем вси страшное, преславное и велие таинство чистаго и девственнаго от Духа Святаго зачатия Твоего, поклоняемся нетленно зачатому от Тебе Сыну Твоему Христу Богу нашему и от всего сердца веруем и исповедуем, яко и в Божественном зачатии и по Рождестве Твоем Ты пребыла еси Приснодева. Сего ради с Гавриилом принесем Тебе сицевый Архангельский глас: Радуйся, Благодатная, облеченная в Солнце, сияющая благодатию и славою всей вселенней. Радуйся, Благословенная, от восток солнца до запад препетая и превозносимая по всей поднебесней. Радуйся, Ангельское великое удивление, Гавриила красотою девства Своего удивившая. Радуйся, всему миру благое веселие, падшия люди радостию Благовещения Твоего возвеселившая. Радуйся, смиренная Раба Господня, высотою смирения Своего Бога на землю низведшая. Радуйся, Милосердная Мати Бога Вышняго, Матерним заступлением Своим многие грешники ко Христу приведшая. Радуйся, Благодатная, Господь с Тобою.

Кондак 13
О, Всепетая Параклита Невесто, Чистая брака не познавшая Дево! Архангела красотою Девства удивившая и Богу Слову Плоть нетленно днесь взаимодавшая, нынешняя наша приемши приношения о всерадостном от Гавриила Благовещении Твоем, Христу Богу обрученныя в девстве сохрани, всех же в чистоте укрепи и от бед избави, да свободшеся Тобою от вечных мук. Тобою рай да обрящем, идеже вси да воспоем о Тебе Богу: Аллилуиа.
(Этот кондак читается трижды, затем икос 1 и кондак 1)

М.Л. Красовицкая

Cуббота 5-ой седмицы Великого Поста имеет название субботы Акафиста, или Похвалы Пресвятой Богородицы. Богослужение этого дня не похоже ни на одно богослужение. Относительно причин установления этого праздника нужно сказать, что они довольно сложные. В синаксаре этого дня отмечено, что празднование установлено в честь неоднократного избавления Константинополя от нашествий и арабов, и персов, и даже россов по молитвам Пресвятой Богородицы, Которая всегда считалась заступницей, особой покровительницей Константинополя. Однако, строение и содержание богослужения очень мало связано с какими бы то ни было военными победами, с празднованиями по этому поводу.

Очень много в содержании богослужения посвящено Благовещению Пресвятой Богородицы, много текстов посвящено этому событию. Называется – суббота Акафиста, читается Акафист Божией Матери, основная тема которого – Благовещение Пресвятой Богородицы и Воплощение Сына Божия. Здесь нет противоречия, потому что Благовещение в древности мыслилось как Господский праздник, как день Воплощения. Есть предположение, что установление празднования субботы 5-ой седмицы также в какой-то мере связано с переносом неподвижных праздников на подвижные памяти. Разрешения совершать полную литургию на день Благовещения Лаодикийский Собор (IV в.) не предусматривал, лишь к VI веку относится разрешение совершать в день Благовещения полную литургию. Возможно, установление этого праздника связано с тем, что праздник Благовещения переносился на воскресенье, а Суббота Акафиста являлась своего рода предпразднством. Но, конечно, заступничество Божией Матери и неоднократные чудесные избавления способствовали тому, что это празднование сохранялось и становилось все более торжественным.

Как же устроено богослужение этого дня? В пятницу вечером у нас на приходах совершается утреня субботы 5-ой седмицы Великого поста. На утрени поется Бог Господь и затем запевается особенный тропарь этого дня. Указано петь его "косно", т.е. медленно, не спеша:

"Поведенное тайно прием в разуме, в крове Иосифове тщанием предста Бесплотный, глаголя Неискусобрачней: Приклонивый схождением небеса, вмещается неизменно весь в Тя. Егоже и видя в ложеснах Твоих, приемша рабий зрак, ужасаюся звати Тебе: Радуйся, Невесто Неневестная".

Говорится о событии Благовещения Пресвятой Богородицы. Затем читается 16 кафизма, малая ектения, после этого обычно должны быть седальны. Богослужение этого дня устроено так, что в тех местах, где в обычных службах положены седальны, поется Акафист, т.е. пение неседальное, на котором нельзя сидеть. Таким образом, после 16-й кафизмы и малой ектеньи начинается чтение Акафиста. Про строение Акафиста сказано в Уставе так: "Тииже икосы суть по алфавиту, сиесть 24, и глаголятся от иерея во святом алтаре" – во святом алтаре полагается читать Акафист Пресвятой Богородице. У нас давно уже установилась практика, что для чтения его священнослужители выходят на середину храма.

Акафист состоит из 24 строф (12 кондаков и 12 икосов). Он разделен на 4 части. После 16 кафизмы поется лишь 1/4 часть Акафиста – 3 кондака и 3 икоса. Начинается пением начального кондака Акафиста "Взбранной Воеводе победительная", так сказано в Уставе: "И поем кондак насреди, – т.е. на середине храма, – со сладкопением, косно" – т.е. на витиеватую, красивую мелодию, и косно – медленно. Затем – 3 икоса и 3 кондака и снова поется Взбранной Воеводе и священнослужители уходят обратно, в алтарь. Затем читается 17 кафизма, потом малая ектения. Снова отверзаются Царские Врата, священнослужители выходят на середину храма, опять поется Взбранной Воеводе и 3 кондака и 3 икоса. И снова Взбранной Воеводе, и священнослужители уходят в алтарь. Затем после третьей песни канона точно такой же выход и после 6-ой песни канона четвертая четверть Акафиста в обрамлении Взбранной Воеводе. После чтения канона следует праздничное окончание утрени.

Пение Акафистов стало для нас уже привычной частью богослужебной жизни. Совершаются и утрени с пением Акафистов, и молебны с пением Акафистов. Однако, в Уставе мы имеем всего один пример пения Акафиста. Это единственный предусмотренный Уставом Акафист, единственная Уставная форма соединения обычной службы с Акафистом. Это соединение таково, что день этот становится совершенно незабываемым праздником, настолько торжественна и прекрасна Похвала Пресвятой Богородице. С красотой этой службы просто нечего сравнить.

М.Л. Красовицкая "Литургика". М.,2001г.

Епископ Александр (Милеант). Суббота Акафиста

А кафистами называются особые хвалебные песнопения в честь Спасителя, Божией Матери или святых. Слово “акафист” - греческое, означающее “неседальный,” т.е. молитвенное последование (богослужение), в течение которого не разрешается сидеть . Акафисты состоят из 25 песен:13 кондаков и 12 икосов (“кондак” sr - краткая хвалебная песнь; “икос” - (по-гречески - “дом”) пространная песнь. Икосы заканчиваются восклицанием “радуйся,” а кондаки - “Аллилуйя” (на еврейском - “хвалите Бога”).

Помещенный здесь акафист Божией Матери является древнейшим из всех. По его образцу писались другие акафисты. Акафист Божией Матери, помещенный в этой брошюре, поется в церкви в пятницу пятой седмицы Великого поста во время вечернего богослужения (Утреня субботы пятой недели).

Настоящий акафист составлен по случаю чудесного избавления Константинополя от персов и аваров, обложивших Царьград с суши и моря в 626 году по Р.Х. при греческом императоре Ираклии и Патриархе Сергии. Это спасение от варваров произошло в конце пятой недели Великого поста, почему и составленный позже акафист установили петь в это время. Составление акафиста приписывают Георгию Писидийскому , диакону великой Константинопольской церкви, жившему в половине 7-го века и описавшему современные события Византийской империи в прозе и стихах. Обычай петь его на Утрени субботы пятой седмицы Великого поста еще более утвердился после двух новых случаев заступничества Божией Матери, явленных Константинополю во время нашествия на него Сарацинов в 673 и 716 годах.

Акафист насыщен хвалебными гимнами в честь Девы Марии с выражением Ей благодарности от лица жителей Константинополя за Ее многие и великие благодеяния, оказанные православным людям. Приняв в основание и повторяя многократно приветствия Ангела-благовестника Богородице: “РАДУЙСЯ ,” писатель акафиста в молитвенных воззваниях к Богоматери приводит в нем многие ветхозаветные прообразы, относящиеся к лицу Девы Марии. Он перечисляет совершенства Божией Матери и Ее величие перед Богом, а также разнообразные благодеяния, постоянно являемые Ею верующим. Высота мыслей, сила выражений и глубина чувства, пронизывающие акафист делают его превосходным молитвенным пособием для дома и в храме. Во всяком случае, у богомольцев Влахернского храма в Константинополе этот акафист пользовался большой любовью, и они не позволяли себе садиться во время его чтения, но усердно внимали ему стоя в течение почти целой ночи.

Акафист заключает в себе, как обыкновенно бывает в подобных произведениях, 25 песен, которые расположены по порядку букв греческого алфавита. Начальный кондак написан ямбическими рифмованными стихами, в каждом из икосов заключается по двенадцати воззваний: “РАДУЙСЯ,” которые также писаны рифмованными стихами, при том с созвучными словами не только на конце, но и в середине каждого двустишия; и, наконец, в каждых двух соответственных стихах содержится по одинаковому числу слогов.

Церковь, вместе с благодарением за избавление от врагов, присоединяет к молению к Пресвятой Богородице и просьбу об освобождении нас от всяких бед. Этим Церковь напоминает верующим о Небесной Заступнице рода христианского и утверждает кающихся в надежде на небесную помощь.

Акафист Пресвятой Богородице

Взбранной Воеводе победительная, яко избавльшеся от злых, благодарственная восписуем Ти раби Твои, Богородице; но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

Ангел предстатель с небесе послан бысть рещи Богородице: радуйся! И со безплотным гласом воплощаема Тя зря, Господи, ужасашеся и стояше, зовый к Ней таковая: Радуйся, Еюже радость возсияет: радуйся, Еюже клятва исчезнет. Радуйся, падшаго Адама воззвание; радуйся, слез Евиных избавление. Радуйся, высото неудобовосходимая человеческими помыслы; радуйся, глубино неудобозримая и Ангельскима очима. Радуйся, яко еси Царево седалище; радуйся, яко носиши Носящаго вся. Радуйся, Звездо, являющая Солнце; радуйся, утробо Божественнаго воплощения. Радуйся, Еюже обновляется тварь; радуйся, Еюже покланяемся Творцу. Радуйся, Невесто Неневестная.

Видящи Святая Себе в чистоте, глаголет Гавриилу дерзостно: преславное твоего гласа неудобоприятельно души моей является: безсеменнаго бо зачатия рождество како глаголеши, зовый: Аллилуиа.

Разум недоразумеваемый разумети Дева ищущи, возопи к служащему: из боку чисту, Сыну како есть родитися мощно, рцы Ми? К Нейже он рече со страхом, обаче зовый сице: Радуйся, совета неизреченнаго таиннице; радуйся, молчания просящих веро. Радуйся, чудес Христовых начало; радуйся, велений Его главизно. Радуйся, лествице небесная, Еюже сниде Бог; радуйся, мосте, преводяй сущих от земли на небо. Радуйся, Ангелов многословущее ражение. Радуйся, Свет неизреченно родившая; радуйся, еже како, ни единаго же научившая. Радуйся, премудрых превосходящая разум; радуйся, верных озарябщая смыслы. Радуйся, Невесто Неневестная.

Сила Вышняго осени тогда к зачатию браконеискусную, и благоплодная Тоя ложесна яко село показа славкое всем, хотящим жати спасение, внегда пети сице: Аллилуиа.

Имущи Богоприятную Дева утробу, востече ко Елисавети: младенец же оноя, абие познав Сея целование, радовашеся, и играньми, яко песньми, вопияше к Богородице: Радуйся, отрасли неувядаемая розго; радуйся, Плода безсмертнаго стяжание. Радуйся, Делателя делающая Человеколюбца; радуйся, Садителя жизни нашея рождшая. Радуйся, ниво, растящая говзование щедрот; радуйся, трапезо, носящая обилие очищения. Радуйся, яко рай пищный процветаеши; радуйся, яко пристанище душам готовиши. Радуйся, приятное молитвы кадило; радуйся, всего мира очищение. Радуйся, Божие к смертным благоволение; радуйся, смертных к Богу дерзновение. Радуйся, Невесто Неневестная.

Бурю внутрь имея помышлений сумнительных, целомудренный Иосиф смятеся, к Тебе зря небрачней и бракоокрадованную помышляя, Непорочная; уведев же Твое зачатие от Духа Свята, рече: Аллилуиа.

Слышаша пастырие Ангелов поющих плотское Христово пришествие, и текше яко к Пастырю, видят Сего яко агнца непорочна, во чреве Мариине упасшася, Юже поюще реша: Радуйся, Агнца и Пастыря Мати; радуйся, дворе словесных овец. Радуйся, невидимых врагов мучение; радуйся, райских дверей отверзение. Радуйся, яко небесная срадуются земным; радуйся, яко земная сликовствуют небесным. Радуйся, Апостолов немолчная уста; радуйся, страстотерпцев непобедимая дерзосте. Радуйся, твердое веры утверждение; радуйся, светлое благодати познание. Радуйся, Еюже обнажися ад; радуйся, Еюже облекохомся славою. Радуйся, Невесто Неневестная.

Боготечную звезду узревше волсви, тоя последоваша зари; и яко светильник держаще ю, тою испытаху крепкаго Царя, и достигше Непостижимаго, возрадовашася, Ему вопиюще: Аллилуиа.

Видеша отроцы халдейстии на руку Девичу Создавшаго руками человеки, и Владыку разумевающе Его, аще и рабий прият зрак, потщашася дарми послужити Ему, и возопити Благословенней: Радуйся, Звезды незаходимыя Мати; радуйся, заре таинственнаго дне. Радуйся, прелести пещь угосившая; радуйся, Троицы таинники просвещающая. Радуйся, мучителя безчеловечнаго изметающая от начальства; радуйся, Господа Человеколюбца показавшая Христа. Радуйся, варварскаго избавляющая служение; радуйся, тимения изымающая дел. Радуйся, огня поклонение угасившая; радуйся, пламене страстей изменяющая. Радуйся, верных наставнице целомудрия; радуйся, всех родов веселие. Радуйся, Невесто Неневестная.

Проповедницы богоноснии бывше волсви, возратишася в Вавилон, скончавше Твое пророчество, и проповедавше Тя Христа всем, оставиша Ирода яко буесловна, не ведуща пети: Аллилуиа.

Возсиявый во Египте просвещение истины, отгнал еси лжи тьму: идоли бо его, Спасе, не терпяще Твоея крепости, падоша, сих же избавльшиися вопияху к Богородице: Радуйся, исправление человеков; радуйся, низпадение бесов. Радуйся, прелести державу поправшая; радуйся идольскую лесть обличившая. Радуйся, море, потопившее фараона мысленнаго; радуйся, каменю, напоивший жаждущия жизни. Радуйся, огненный столпе, наставляяй сущия во тьме; радуйся, покрове миру, ширший облака. Радуйся, пище, манны приемнице; радуйся, сладости святыя служительнице. Радуйся, земле обетования; радуйся, из неяже течет мед и млеко. Радуйся, Невесто Неневестная.

Хотящу Симеону от нынешняго века преславитися прелеснаго, вдался еси яко младенец тому, но познался еси ему и Бог совершенный. Темже удивися Твоей неизреченней премудрости, зовый: Аллилуиа.

Новую показа тварь, явлься Зиждитель нам от Него бывшим, из безсеменная прозяб утробы, и сохранив Ю, якоже бе, нетленну, да чудо видяще, воспоим Ю, вопиюще: Радуйся, цвете нетления; радуйся, венче воздержание. Радуйся, воскресения образ облистающая; радуйся, ангельское житие являющая. Радуйся, древо светоплодовитое, от негоже питаются вернии; радуйся, древо благосеннолиственное, имже покрываются мнози. Радуйся, во чреве носящая Избавителя плененным; радуйся, рождшая Наставника заблуждшим. Радуйся, Судии праведнаго умоление; радуйся, многих согрешений прощение. Радуйся, одеждо нагих дерзновения; радуйся, любы, всякое желание побеждающая. Радуйся, Невесто Неневестная.

Странное рождесто видевше, устранимся мира, ум на небеса преложше: сего бо ради высокий Бог на земли явися смиренный человек, хотяй привлещи к высоте Тому вопиющия: Аллилуиа.

Весь бе в нижних и вышних никакоже отступи неописанное Слово: снизхождение бо Божественное, не прехождение же местное бысть, и рождество от Девы Богоприятныя, слышащия сия: Радуйся, Бога невместимаго вместилище; радуйся, честнаго таинства двери. Радуйся, неверных сумнительное слышание; радуйся, верных известная похвало. Радуйся, противная в тожде собравшая; радуйся, девство и рождество сочетавшая. Радуйся, Еюже разрешися преступление; радуйся, Еюже отверзеся рай. Радуйся, ключу Царствия Христова; радуйся, надеждо благ вечных. Радуйся, Невесто Неневестная.

Всякое естество ангельское удивися великому Твоего вочеловечения делу: непреступнаго бо яко Бога, зряще всем приступнаго Человека, нам убо спребывающа, слышаща же от всех: Аллилуиа.

Ветия многовещанныя, яко рабы безгласныя видим о Тебе, Богородице, недоумевают бо глаголати, еже како и Дева пребываеши, и родити возмогла еси. Мы же, таинству дивящеся, верно вопием: Радуйся, премудрости Божия приятелище; радуйся, промышления Его сокровище. Радуйся, любомудрыя немудрыя являющая; радуйся, хитрословесныя безсловесныя обличающая. Радуйся, яко обуяша лютии взыскателе; радуйся, яко увядоша беснотворцы. Радуйся, яфинейская плетения растерзающая; радуйся, рыбарския мрежи исполняющая. Радуйся, из глубины неведения извлачающая; радуйся, многи в разуме просвещающая. Радуйся, кораблю хотящих спастися; радуйся, пристанище житейских плаваний. Радуйся, Невесто Неневестная.

Спасти хотя мир, Иже всех Украситель, к сему самообетован прииде, и пастырь сый, яко Бог, нас ради явися по нам Человек: подобным бо подобное призвав, яко Бог слышит: Аллилуиа.

Стена еси девам,Богородице Дево, и всем к Тебе прибегающим: ибо небесе и земли Творец устрои Тя, Пречистая, вселься во утробе Твоей, и вся приглашати Тебе научи: Радуйся, столпе девства; радуйся, дверь спасения. Радуйся, начальнице мысленнаго наздания; радуйся, подательнице Божественныя благости. Радуйся, Ты бо обновила еси зачатыя студно; радуйся, Ты бо наказала еси окраденныя умом. Радуйся, тлителя смыслов упраждняющая; радуйся, Сеятеля чистоты рождшая. Радуйся, чертоже безсеменнаго уневещения; радуйся, верных Господеви сочетавшая. Радуйся, добрая младопитательнице девам; радуйся, невестокрасительнице душ святых. Радуйся, Невесто Неневестная.

Пение всякое побеждается, спростретися тщащееся ко множеству многих щедрот Твоих: равночисленныя бо песка песни аще приносим Ти, царю Святый, ничтоже совершаем достойно, яже дал еси нам, Тебе вопиющим: Аллилуиа.

Светоприемную свещу, сущим во тьме явльшуюся, зрим Святую Деву, невещественный бо вжигающи огнь, наставляет к разуму Божественному вся, зарею ум просвещающая,званием же почитаемая, сими: Радуйся, луче умнаго Солнца; радуйся, светило незаходимаго Света. Радуйся, молние, души просвещающая; радуйся, яко гром враги устрашающая. Радуйся, яко многосветлое возсияваеши просвещение; радуйся, яко многотекущую источаеши реку. Радуйся, купели живописующая образ; радуйся, греховную отъемлющая скверну. Радуйся, бане, омывающая совесть; радуйся, чаше, черплющая радость. Радуйся, обоняние Христова Благоухание; радуйся, животе тайнаго веселие. Радуйся, Невесто Неневестная.

Благодать дати восхотев, долгов древних, всех долгов Решитель человеком, прииде Собою ко отшедшим Того благодати, и раздав рукописание, слышит от всех сице: Аллилуиа.

Поюще Твое Рождество, хвалим Тя вси, яко одушевленный храм, Богородице: во Твоей бо вселився утробе содержай вся рукою Господь, освяти, прослави и научи вопити Тебе всех: Радуйся, селение Бога и Слова; радуйся, святая святых большая. Радуйся, ковчеже, позлащенный Духом; радуйся, сокровище живота неистощимое. Радуйся, честный венче царей благочестивых; радуйся, честная похвало иереев благоговейных. Радуйся, Церкве непоколебимый столпе; радуйся, Царствия нерушимая стено. Радуйся, Еюже воздвижутся победы; радуйся, Еюже низпадут врази. Радуйся, тела моего врачевание; радуйся, души моея спасение. Радуйся, Невесто Неневестная.

О Всепетая Мати, рождшая всех святых Святейшее Слово! Нынешнее приемши приношение, от всякия избави напасти всех, и будущия изми муки, о Тебе вопиющих: Аллилуиа.

Этот кондак читается трижды, затем 1-й икос: "Ангел предстатель..." и 1-й кондак: "Взбранной Воеводе...".

О, Пресвятая Госпоже Владычице Богородице, вышши еси всех Ангел и Архангел, и всея твари честнейши, помощнице еси обидимых, ненадеющихся надеяние, убогих заступнице, печальных утешение, алчущих кормилице, нагих одеяние, больных исцеление, грешных спасение, христиан всех поможение и заступление. О, Всемилостивая Госпоже, дево Богородице Владычице, милостию Твоею спаси и помилуй святейшия патриархи православныя, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше, на невидимыя и видимыя враги наша. О, Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, просвети им ум, и очи сердечнии, еже ко спасению; и сподоби ны, грешныя рабы Твоя, Царствия Сына Твоего, Христа Бога нашего; яко держава Его благословена и прпрославлена, со Безначальным Его Отцем, и с Пресвятым, и Благим, Животворящим Его Духом, ныне и присно, и во веки веков. Аминь.

О, Пресвятая Дево Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо грехми погружаемии и скорбьми обуреваемии, взирая на Твой образ, яко живей Ти сущей с нами, просим смиренныя моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных. Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на Страшнем суде Сына Твоего явися нам милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.

Copyright 2004